Delish (已結業)

打完风后的朝早，趁公众假期带住女女去愉景新城放电。10点零钟附近所有餐厅都已经逼爆，刚好见到呢间Delish 11点开门，由于之前食过晚餐都唔错，所以就带住个女一行4人行去食个brunch。结果就咁出事。落单时都无咩野，除左两位侍应比较钟意自己企晌到倾计之外，环境相对唔错。但系坐左四个字后，水都饮晒(无人自觉添水) ，但一碟食物都无影。结果揾个侍应斟水时问佢，而佢声称会追追张单。再等多10分钟，依然咩野食物都无，而水又再次饮完，但一样无人会自觉添水。由入座计已经呆等了半小时，再次追问侍应下先话仲要再等多十分钟。Last chance，但结果等了45分钟后，依然乜野都无。结果一肚气咁离开呢间所谓“餐厅”。而晌呢45分钟里面，我系未见过有一碟食物、一杯咖啡由厨房拎过出黎，系一样都无！即系如果厨房无人返工的话，麻烦你地通知食客，而唔系企埋一二边自己吹水而由个食客晌到呆等。可能呢次系一个one off experience，但无论如何，如果你无食物放到上餐枱，你啲食物几好味、价钱几抵，都无意思。