影片
更多
2008-07-09
60 浏览
昨日难得好友食家"乜都放入窿"又要过海, 于是再次相约师傅结伴午膳, 师傅当然求之不得啦! 而今次嘅行程系往湾仔方向, 坦白讲闲时师傅好少行到咁远, 但难得有好友食家"乜都放入窿"带路, 师傅梗要跟实啦! 去到附近好友食家"乜都放入窿"提议左几间食店, 间间师傅都未试过, 咁啱讲到巴东牛肉, 呢个大乡里师傅又未试过, 所以好友食家"乜都放入窿"就决定黎呢间食店, 等师傅可以一试! 坐底后, 当然睇下有咩好食啦, 师傅从来都未食过, 梗系等好友食家"乜都放入窿"发板啦! 最后好友食家"乜都放入窿"帮师傅柯打左一客巴东牛肉配烤薄饼, 加一杯拉咖啡; 而佢本人就要左一客午餐, 系咖喱杂菜配油松饼, 餐饮要左健怡可乐! 先讲下个午餐先, 午餐原来有餐汤同甜品; 餐汤系青豆茸汤, 好友食家为免吃得太饱, 所以就比左师傅饮, 青豆汤将d青豆煲得好溶, 基本上系唔会见到有一粒粒嘅青豆, 而味道可口, 加上汤面上有个类似"巴"字嘅忌廉, 睇得出几有心机整, 值得一赞; 咖喱杂菜嘅咖喱唔系太辣, 但系都几好味, 唔错; 而油松饼真系一绝, 㶶㶶地但食落口又好松软, 一d都唔油唔腻, 第一次食呢个油松饼
去到附近好友食家"乜都放入窿"提议左几间食店, 间间师傅都未试过, 咁啱讲到巴东牛肉, 呢个大乡里师傅又未试过, 所以好友食家"乜都放入窿"就决定黎呢间食店, 等师傅可以一试!
坐底后, 当然睇下有咩好食啦, 师傅从来都未食过, 梗系等好友食家"乜都放入窿"发板啦! 最后好友食家"乜都放入窿"帮师傅柯打左一客巴东牛肉配烤薄饼, 加一杯拉咖啡; 而佢本人就要左一客午餐, 系咖喱杂菜配油松饼, 餐饮要左健怡可乐!
先讲下个午餐先, 午餐原来有餐汤同甜品; 餐汤系青豆茸汤, 好友食家为免吃得太饱, 所以就比左师傅饮, 青豆汤将d青豆煲得好溶, 基本上系唔会见到有一粒粒嘅青豆, 而味道可口, 加上汤面上有个类似"巴"字嘅忌廉, 睇得出几有心机整, 值得一赞; 咖喱杂菜嘅咖喱唔系太辣, 但系都几好味, 唔错; 而油松饼真系一绝, 㶶㶶地但食落口又好松软, 一d都唔油唔腻, 第一次食呢个油松饼, 师傅就已经爱上左喇, 好好味; 而甜品系一件芋头红豆糕, 师傅冇食到, 应该可以啦!
而巴东牛肉真系夸啦啦, 个汁系非常之好味, 够香够辣劲惹味, 啱晒师傅d咁钟意食辣野嘅人, 配饭或薄饼一样咁正; 至于牛肉嘅份量都非常多, 肉身都几松, 仲有肉汁, 不过就好似瘦左少少, 食多几件会开始觉得鞋, 如果能够肥番少少相信会仲正, 但唔知系咪正中嘅巴东牛肉就系咁架呢? 烤薄饼一客有六块, 烤薄饼比较硬身, 唔够松软, 不过都几好味, 但如果同油松饼相比, 一定被比下去; 而杯拉咖啡都几香几滑, 不过就非常之甜, 最后发现原来系用炼奶, 唔怪得甜到好似杯糖水咁啦, 会唔会系炼奶份量重手左呢? 师傅就唔系咁欣赏喇!
总括黎讲食物质素都令人满足, 服务态度亦好, 系环境就逼少少, 加上都几多人, 所以都几嘈; 价钱算系可以接受, 作为一个午餐要卖六十蚊仲要加一, 绝对唔算平, 但系喺同区黎讲有咁嘅质素同特色, 绝对收货同抵食! 好友食家"乜都放入窿"又一次好介绍, 有机会师傅一定会再黎, 真系笑住黎走架, 你话笑脸点可以唔比呢?
后记: 话都冇咁快已经写到第四百个食评, 最难得嘅就系今次可以同好友食家"乜都放入窿"一齐品尝, 而师傅饭后亦忘记向您说声"多谢", 藉此谢过; 师傅亦衷心期望写第五百个食评时, 能与您再度品尝另一间更好嘅食店!
张贴
