千里禪新懷石料理 (已結業)

千里禅刚开张时提供怀石料理走高价路线午市定食要3百多元，虽然味道不错，但每次去都只得2－3枱客，担心佢会做唔住。 之后去几次餐牌都不停革新，价格下调，到今天终于提供较为大众化嘅午市定食。周末午市定食由$98起到$328，提供不同选择。今次叫咗$238自选寿司定食12件及$128牛肉寿喜锅定食。自选寿司定食可以从寿司纸上拣12件，每款可以选2件， 贵价嘅大拖罗同海胆都可以拣。 寿司刺身非常新鲜，可以媲美在日本嘅寿司店 ，尤其是赤虾好弹牙，海胆甜美浓郁，大拖罗食落满口都是鱼油 。 寿司饭份量系一般回转寿司店的一半， 我个人比较喜欢少饭，因正常12件寿司都差不多有2碗饭，对女士来说太多喇。牛肉寿喜锅定食嘅牛肉软滑，寿喜汁带少少甜味，呢款锅基本上只要牛肉不太差都会好味嘅。饭后有甜品，餐茶比较特别可以拣抹茶，抹茶是即刻人手打， 带有少少苦涩味，但饮完后口腔内会有一点点回甘， 很不错。