影片
更多
2018-06-23
175 浏览
一到星期六日，十一点几起到身觉得自己已经好叻猪，平时返工咁辛苦所以无系屋企煮，出街街食慰劳下自己(其实系懒得煮XD)，谂住去食东荫公公，点知去到先发现东荫公公汁左，变左做Mee...lemongrass ！去到嘅时候已经系2点，竟然都仲有人排紧队，心谂咩料...唔通一个二个住将军澳嘅人都就走黎尝鲜。行去Menu一睇，心谂：哗...都真心唔平Bo，一个饭都要成60-80蚊，而且仲要另收加一。如果唔系因为间铺新开，试下新屎坑，都应该唔去食。入到去住坐低，发现张垫台纸原来有D小心思，原来系佢地铺头系香港嘅分布，而且仲有个商场嘅样，非常可爱！好彩Menu 有编号，如果唔系都好意思同侍应生讲我要个"Mee....喇沙，大虾，蚬肉，蟹柳，鱼蛋，豆卜，鸡蛋"。等左一阵，我个餐终于到啦，真系饿死宝宝。𠮶餐嚟到嘅时候非常惊喜，是关我无睇字，唔知道个餐原来系有跟沙律同甜品，套餐得黎觉得比较特别同有心思，而且个喇沙望落非常足料，好喇好喇，虽然贵贵地，但个感觉好似抵返D咁！本人非常钟意食瓜瓜菜菜，见到有豆角、木瓜、红萝卜等就已经好开心，食落去，个沙律够哂冻，而且唔系好辣，酸酸甜甜，非常开胃又唔会因为太辣而好辛
去到嘅时候已经系2点，竟然都仲有人排紧队，心谂咩料...唔通一个二个住将军澳嘅人都就走黎尝鲜。行去Menu一睇，心谂：哗...都真心唔平Bo，一个饭都要成60-80蚊，而且仲要另收加一。如果唔系因为间铺新开，试下新屎坑，都应该唔去食。
入到去住坐低，发现张垫台纸原来有D小心思，原来系佢地铺头系香港嘅分布，而且仲有个商场嘅样，非常可爱！
好彩Menu 有编号，如果唔系都好意思同侍应生讲我要个"Mee....喇沙，大虾，蚬肉，蟹柳，鱼蛋，豆卜，鸡蛋"。
等左一阵，我个餐终于到啦，真系饿死宝宝。𠮶餐嚟到嘅时候非常惊喜，是关我无睇字，唔知道个餐原来系有跟沙律同甜品，套餐得黎觉得比较特别同有心思，而且个喇沙望落非常足料，好喇好喇，虽然贵贵地，但个感觉好似抵返D咁！
本人非常钟意食瓜瓜菜菜，见到有豆角、木瓜、红萝卜等就已经好开心，食落去，个沙律够哂冻，而且唔系好辣，酸酸甜甜，非常开胃又唔会因为太辣而好辛苦，好啱我口味！
嚟到戏肉啦，哗....好正呀，好多料呀，闻左闻，饮左啖汤，一入口顺口得嚟，椰香味重，带少少微辣，个汤非常唔错。重要嘅野要讲多次，呢碗野唔单止多料，而且虾大大只，肉丸唔会太多肥猪肉，鱿鱼又唔会煮得太老，可以每食一啖面都有𩠌伴，真系非常开心。唯一美中不足嘅系豆卜唔索汁，如果豆卜可以食落去好Juicy 的话，人生就真系Perfect 哂喇。
鲸吞完碗面之后，就食埋呢个甜品，望落除左Cream 之外，真系唔知佢系咩甜品。
原来系斑兰蛋糕，个甜品唔会太甜，但如果冻D就好喇。至于杯冻泰式奶茶呢，可以再浓少少，稍为唔够香，无果阵「泰」味。
不过总括黎讲都系几好食嘅，偶尔食下都唔错！
张贴
