燒肉King (已結業)

热烈地庆祝堂食延长到12点，一于book日本烧肉慢慢食唔洗10点就被赶走🤣🤣今次二访烧肉King，就用消费券食豪d！我地两个人叫咗和牛二人前set，非常丰富，可以一次过试晒唔同部位嘅牛肉同猪肉～仲有两个沙律、御饭、同面豉汤。沙律系烟三文鱼配蕃茄油醋汁沙律，烟三文鱼好大块非常有诚意～另外一款沙律就系胡麻酱豆腐仿蟹柳沙律，两款沙律味道都好唔一样，感觉好fresh～肉的话款式都有6款，分别有 A5日本黑毛和牛肉眼/ A5日本黑毛和牛西冷（二选一）～澳洲和牛封门柳、A4日本黑毛和牛牛小排品牛板腱、日本黑豚腩肉、日本鸡颈肉、牛油什菇，配上烧肉汁，好好𩠌饭～我地坐嘅位系类似bar台好舒服好有私隐度，仲对住好大嘅OOHA 教主宣传墙，啱晒镜粉打卡～黎一小块澳洲和牛封门柳先～个炉火候好够～肥美嘅黑豚腩肉，烧一烧d油脂爆晒出黎，都系入口即融～呢餐最正嘅地方就系可以拣肉眼/西冷，有一大块A4黑毛和牛肉眼，雪花分布平均，烧一阵就可以即刻放入口，食入口嫩滑同即融嘅感觉！可能今日系平日，餐厅冇限时，可以慢慢烧慢慢食，一次过烧好然后铺晒上去个饭度，太正了！最后仲有甜品雪❄️米糍～呢餐性价比好高～