影片
更多
2020-10-03
632 浏览
当年读书好钟意去南山村街市食lunch，今日特登约埋老友返去𠮶边回味一下！太耐冇黎，街市有啲档口已经唔同咗，行到中间大楼梯附近见到有间西餐厅，虽然原本唔系谂住嚟呢度食，但见价钱非常相宜就走入去试吓！坐低见到午餐都系几十蚊，有餐汤或者沙律跟饮品，就叫咗个罗勒酱意粉同肉眼扒试吓。我哋一个叫沙律一个叫餐汤，大家都冇谂到系街市会食到咁高质素嘅西餐厅，沙律菜新鲜又干净，餐汤亦唔系一般开粉嘅汤，饮落有蕃茄嘅微酸，又有甘笋嘅清甜，加上少许橄榄油，更加滑口！香煎帆立贝罗勒青酱意大利粉- 呢度嘅青酱好特别，唔系平时食都油淋淋只有香草味嘅一种，而系好重nuts味，再带有罗勒叶香嘅味道，比例平衡非常之好！更重要嘅系，帆立贝好大粒，煎得金黄，外边微焦，但内里仍然软熟，厚身又有带子味，点估到系街市嘅餐厅会食到咁嘅质素？！纽西兰牛肉眼扒- 钟意锯扒嘅朋友真系唔好错过，无论系肉眼扒定系伴碟嘅薯条，一样咁大份！肉眼扒仲要有得拣熟度，可能其他人都会觉得呢样嘢系好普遍，但我觉得系街市嘅西餐厅有咁嘅选择，真系好难得！而且肉质煮出嚟仲要相当唔错，红酒汁煮得微甜又够香，粗薯条好重薯仔味，绝对唔系一般货色！更令我意外嘅系佢有埋焗
太耐冇黎，街市有啲档口已经唔同咗，行到中间大楼梯附近见到有间西餐厅，虽然原本唔系谂住嚟呢度食，但见价钱非常相宜就走入去试吓！
坐低见到午餐都系几十蚊，有餐汤或者沙律跟饮品，就叫咗个罗勒酱意粉同肉眼扒试吓。我哋一个叫沙律一个叫餐汤，大家都冇谂到系街市会食到咁高质素嘅西餐厅，沙律菜新鲜又干净，餐汤亦唔系一般开粉嘅汤，饮落有蕃茄嘅微酸，又有甘笋嘅清甜，加上少许橄榄油，更加滑口！
香煎帆立贝罗勒青酱意大利粉- 呢度嘅青酱好特别，唔系平时食都油淋淋只有香草味嘅一种，而系好重nuts味，再带有罗勒叶香嘅味道，比例平衡非常之好！更重要嘅系，帆立贝好大粒，煎得金黄，外边微焦，但内里仍然软熟，厚身又有带子味，点估到系街市嘅餐厅会食到咁嘅质素？！
纽西兰牛肉眼扒- 钟意锯扒嘅朋友真系唔好错过，无论系肉眼扒定系伴碟嘅薯条，一样咁大份！肉眼扒仲要有得拣熟度，可能其他人都会觉得呢样嘢系好普遍，但我觉得系街市嘅西餐厅有咁嘅选择，真系好难得！而且肉质煮出嚟仲要相当唔错，红酒汁煮得微甜又够香，粗薯条好重薯仔味，绝对唔系一般货色！更令我意外嘅系佢有埋焗蒜头，呢样唔系间间餐厅都有， 亦系其中一个我好欣赏嘅地方！
最后加个蛋白柠檬挞share一齐食，跟餐只系加$20 ，酸酸地中和返头先食咗咁丰富嘅食物，非常之满足。
呢间餐厅嘅性价比真系非常之高，厨房出品好有质素，如果仲系读紧书嘅日子，必定成为我哋嘅饭堂！
张贴
