影片
更多
2009-01-20
13 浏览
呢间台式连锁茶店新开幕，做紧特价8蚊！要趁特价多D黎试。柯打时，记得清清楚楚大大声声咁同收银讲自己要：热定冻、冻ge冰度（多冰/少冰/去冰）、糖度（全糖/少糖7成甜/半糖5成甜/微糖3成甜/无糖），加珍珠/椰果/咖啡冻/芦荟（3-5蚊）。要求多多者落完单即刻check一check单，佢会注明冻热度同甜度，有错即改。否则又要收银烦一轮就揾黎搞。入面5、6个员工好有热诚，服务态度都好好，好似台湾人𠮶种…但系间野生意咁好，真系做到咩热诚都蒸发哂，兼且唔系好够电，所以难免有错漏架。大约有57种冷热饮品，分7大类：调味茶、世界产地茶、道地台湾茶、拿铁、奶茶&可可、养生茶、鲜果汁及咖啡。正价最平系细杯ge大吉岭红茶，卖8蚊；至贵系所有大杯装拿铁系列同埋大杯装益力多柠檬，17蚊。特价饮品，系「招牌珍珠奶茶」（细杯装，原价10蚊）/ 「玩火」（中杯装，原价12蚊）。家阵最抵饮ge「玩火」系调味茶：玫瑰+金盏花+日本煎茶。试过热ge少糖、热ge微糖同走冰ge冻玩火。三次ge风味都唔同，基本味道有少少似蜂蜜绿茶。玫瑰味要热少糖先比较突出。热微糖同冻反而得番茶味。招牌珍珠奶茶，d珍珠全部都又滑又大又圆少少靭
要求多多者落完单即刻check一check单，佢会注明冻热度同甜度，有错即改。否则又要收银烦一轮就揾黎搞。入面5、6个员工好有热诚，服务态度都好好，好似台湾人𠮶种…但系间野生意咁好，真系做到咩热诚都蒸发哂，兼且唔系好够电，所以难免有错漏架。
大约有57种冷热饮品，分7大类：调味茶、世界产地茶、道地台湾茶、拿铁、奶茶&可可、养生茶、鲜果汁及咖啡。正价最平系细杯ge大吉岭红茶，卖8蚊；至贵系所有大杯装拿铁系列同埋大杯装益力多柠檬，17蚊。
特价饮品，系「招牌珍珠奶茶」（细杯装，原价10蚊）/ 「玩火」（中杯装，原价12蚊）。
家阵最抵饮ge「玩火」系调味茶：玫瑰+金盏花+日本煎茶。试过热ge少糖、热ge微糖同走冰ge冻玩火。三次ge风味都唔同，基本味道有少少似蜂蜜绿茶。玫瑰味要热少糖先比较突出。热微糖同冻反而得番茶味。
招牌珍珠奶茶，d珍珠全部都又滑又大又圆少少靭、微微通透。佢话系用雀巢三花奶精，奶精味唔算好重，红茶味都几出下，少少鞋口。同轻松饮比，后者奶味多D香滑好多兼大杯d la，但comebuy 就强调用美国乜牌滤水器，水质懒系有保证咁。差唔多9、10点，佢d珍珠有时会话卖哂，咁佢就会改做椰果或者咖啡冻。试过咖啡冻奶茶，佢个咖啡冻好香，crossover ge 味道重好过珍珠。系一个惊喜。
杯面注明：要一粒钟内饮用先至最好味，呢句唔好唔信。本人好鬼怕冻，所以从热饮角度睇，佢杯热饮真系好够热，凛凛北风中竟然可以暖足一粒钟，虽然始终无煨蕃薯咁好，但系好过热维他或者热雀巢啰！
下次可能会试：竹山金萱、京都八宝茶、暖姜奶茶同埋葡萄柚绿茶。
张贴