Hygge (已結業)

今晚买左飞同男友睇9点半, 睇戏前就梗系要医肚啦。荃湾大霸街多野食就系人都知, 我地一路揾一路行, 差不多行到近车房地带, 见到有一大个招牌好吸引, 原来系食西餐的, 岩晒我口味!入到去坐低, 地方算阔落, 有少少酒吧FEEL。黑板上写左每日唔同既特别推介南瓜汤, 味道非常浓郁, 点面包食一流吞拿鱼他他, 新鲜既红菜头切左粒粒, 再捞上蛋黄酱, 一个字, 正!!我既主菜就点左蟹肉咸蛋黄南瓜汁意大利饭, 最近我系咸蛋黄迷, 什么咸蛋炸鸡,咸蛋鱼皮都食一餐。呢个意大利饭一粒粒好饱满, 咸蛋黄跟南瓜汁又出奇地夹,好好味。男友点左佢既至爱, 天多利烤羊架, 一上台已经闻到好香好香, 配上绿色概酱汁,原来系MINT YOGURT。我唔钟意食羊, 都被呢阵香味吸引忍唔住食左一件, 真系十分之好味, 呢个坚系真心推介。最后点左个伯爵茶意式奶冻做甜品, 每款甜品都会跟一个氢气球, 汽球系用柠檬味糖黎做的。职员会叫你先食左个汽球同埋吸啖氢气, 跟住讲野会变左MINION声, 好搅笑。每一台都试玩呢个氢气球, 成间餐厅都充满欢乐笑声。