天丼

营业中

休息中

还记得，当年有第一间”天丼”时，我觉得好贵。所以之前净系食过东港城分店，今次嚟到红磡。时至今日，一个天丼set，由几十蚊到百几蚊都有，唔知点解而家睇返，觉得一啲都唔贵。一个set，有广岛蚝鲍鱼鳗鱼虎虾同其他蔬菜嘅天妇罗set，连冷乌冬，盛惠156。至于另一个有两种帆立贝赤鲷虎虾蔬菜嘅天妇罗set，连冷荞麦面，盛惠148。天妇罗嘅质素几高。要讲多次，天妇罗并唔系用纯炸嘅方式整熟啲食材，而系用炸完嘅外层炸粉嘅热力慢慢整熟啲食材，所以理论上入边啲食材系新鲜无比，唔应该有过熟情况。而今日最体现到呢样嘢嘅系帆立贝刺身，外脆内软，相当高质。其他嘅天妇罗，例如鳗鱼同广岛蚝水准都唔错。天妇罗当然配饭系最好，但系今晚配嘅冷乌冬水准非常高，又易夹又有弹性，绝对可以一试。特别要讲一个外加嘅明太子鱼饼，系几好食，明太子同鱼饼嘅味道好夹。有时就系咁，夜晚百几蚊一个人，几好食，唔赶人走，已经系恩赐。