影片
更多
2021-09-12
1129 浏览
呢几年 年年生日唔系放题就自助餐 质素就每下愈况 今年唔想再比几旧水食劣食填饱个肚 决定用相若价钱去book间私房菜 疫情下自己亲朋戚友坐一围 又阔落 真系好过出去迫头盘就嚟左个劲靓嘅四小碟 虽然佢叫小碟 但都几大碟下呢个真系好好食 脆度啱啱好 唔会硬到界口 唔会一浸油味 反而食到鸡嘅鲜香 加埋啲椒盐劲香口出边食啲猪耳 一阵骚味 但依间 真系食到又弹又脆 调味适中 麻辣咸香 做得几正宗唔食唔知原来系冬瓜整嘅 一咬落去劲多汁软甜 好似食紧提子咁 花开富贵 佢系腌萝卜嚟嘅 酸甜爽口 好清新 劲开胃 有惊喜 食完头盘之后就会逐一起菜咁我就唔全部介绍啦 讲几个特色嘅 外面够脆 里面够软 唔会淡茂茂 或者好似食紧擦子胶咁 脆浆都包到实一实唔会甩晒呢个真系要赞 出边脆卜卜 咬落去弹牙又香甜 最入边仲有流心 真系好似食紧荔枝 但佢又唔系甜品𠮶种 而系小食 估佢唔到 食私房菜都食到分子料理嘅感觉😂香脆得嚟 唔会咬落去成口油 或者有油抑味 配埋只大虾好弹口 用埋黑松露点缀 令虾嘅鲜味更加突出我估唔到私房菜可以食到法国菜嘅feel 摆盘好靓 好好味炒饭粒粒分明 又唔会太
头盘就嚟左个劲靓嘅四小碟 虽然佢叫小碟 但都几大碟下
脆炸椒盐鸡软骨
62 浏览
0 赞好
0 留言
呢个真系好好食 脆度啱啱好 唔会硬到界口 唔会一浸油味 反而食到鸡嘅鲜香 加埋啲椒盐劲香口
31 浏览
0 赞好
0 留言
出边食啲猪耳 一阵骚味 但依间 真系食到又弹又脆 调味适中 麻辣咸香 做得几正宗
白玉葡萄
32 浏览
0 赞好
0 留言
唔食唔知原来系冬瓜整嘅 一咬落去劲多汁软甜 好似食紧提子咁
花开富贵
33 浏览
0 赞好
0 留言
花开富贵 佢系腌萝卜嚟嘅 酸甜爽口 好清新 劲开胃
有惊喜
食完头盘之后就会逐一起菜
咁我就唔全部介绍啦
讲几个特色嘅
椒盐鲜鲍鱼
45 浏览
0 赞好
0 留言
外面够脆 里面够软 唔会淡茂茂 或者好似食紧擦子胶咁 脆浆都包到实一实唔会甩晒
流心妃子笑
32 浏览
0 赞好
0 留言
呢个真系要赞 出边脆卜卜 咬落去弹牙又香甜 最入边仲有流心 真系好似食紧荔枝 但佢又唔系甜品𠮶种 而系小食 估佢唔到 食私房菜都食到分子料理嘅感觉😂
黑松露原只虾多士
31 浏览
0 赞好
0 留言
香脆得嚟 唔会咬落去成口油 或者有油抑味 配埋只大虾好弹口 用埋黑松露点缀 令虾嘅鲜味更加突出
黑松露石榴鸡
39 浏览
0 赞好
0 留言
我估唔到私房菜可以食到法国菜嘅feel 摆盘好靓 好好味
阿龙私房炒饭
32 浏览
0 赞好
0 留言
炒饭粒粒分明 又唔会太过干身 食落好香口
花胶丝泡菜苗
36 浏览
0 赞好
0 留言
啲花胶动L动L 感觉食完碟菜骨胶原满满 啲菜吸晒啲汤汁 捞埋啲花胶食 又弹又滑又爽口 但唔会有腥味
果盘
63 浏览
0 赞好
0 留言
老板嘅刀工好好 果盘好靓 好用心
整体嘅体验 同之前嘅好唔同 而且啲食物质素好好 我谂以后生日庆祝朋友聚会 都唔会再去食劣食放题 呢间真系可一可再 饱过放题好多 体验又好 而且问过老板 啲菜式唔会次次一样 好期待下次嘅惊喜
张贴
