The Platter (悦品天秀酒店‧元朗) (已結業)

老公生日，想租间新界西既酒店Staycation,见到The Platter呢个Package平得黎包一餐自助晚餐就订了。半自助晚餐黎讲，佢既沙律同甜品吧选择真系唔多，而且睇落好食会想夹既更少。最好食既系面包糠，应该系用蒜蓉包黎整，好香口。貌似最唔伏的中华沙律，好淡口，胜在够冻。甜品方面有只港式雪糕，有啲味望落好奇怪唔够胆试……例如系麻辣味。食左云呍拿同玄米茶味，唔Creamy, 但都算正常雪糕味。主菜方面，睇到好多人都话个牛扒Overcooked. 就算已经叫五成熟已经都系好熟，惟有自己切细旧啲食冇咁老。不过个薯菜又真系好有惊喜！超Creamy, 香，外层焦脆，有淡淡菜味，仲食到薯仔块，暖笠笠食真心好想疯狂Encore! 整体而然如果用Package价食呢度环境，再加酒店锯扒黎讲，佢性价比都真系算几高，好收货。不过如果75折净系过黎食晚餐，我相信呢个价都仲有大把选择。