京味居 (已結業)

今日(18/1/08)我地三个人去京味居食饭, 入去既时侯都差唔多成一点, 但入面都系得六七张四人同六人有人坐, 三张放系最入, 最大既八人就空既. 咁我地见无四人, 其他六人亦唔觉有三个位可以"搭", 咁就自己走左埋去坐左其中一张空既大(佢全程都无人理我地㖞). 坐低一两分钟, 准备叫野既时侯, 个貎似负责人既阿叔就问我地几多个人, 我地话三个, 佢就左望右望, 然后居然系一张己经坐左五个人既六人旁边, 放多两张圆凳, 又叫个五个人坐埋d, 然后叫我地三个坐埋去. 跟住我地其中一个话: "咁迫点坐呀", 呢位阿叔居然又系答个句"呢度系中环, 系咁架喇". 结果我地哑左一阵, 之后起身同佢讲, "你几张大留返自己开饭啦, 又唔谂下点解越黎越少人帮衬!" 然后走人. 呢间野都真系.... 自从转左手之后, 就变成咁样样, 野就经己唔系真系好食, 无错价钱系平, 但系呢条友三番四次当d客黎乞食, 呼呼喝喝, 要乜无乜(之前试过烧鸡菜饭唔好淋汁, 都话唔得, 然后又系个句), 既然系中环做得咁辛苦, 你不如搬去北极啦, 一年都无两个人帮衬, 租又超平喇.