影片
更多
2022-08-20
268 浏览
这是本人在openrice 的第一篇食评本人一直都想远离烦嚣红尘但今次呢餐实在过份地难食本人身为美食刑警 今次真系爆喇！一定要警惕世人唔好再呑咽难食嘅食物希望啲餐厅唔该有啲良心唔好当客人嘅口系垃圾站多谢合作原味小笼包- 金玉其外、败絮其中其实话佢金玉其外都俾咗面成个小笼包得个外皮小笼包我一食落口入面竟然冇味！而家系咪玩食物原味道？佛系品味- 味道要来时便要来，味道无时别强求香辣蒜泥白肉- 唔辣唔蒜四不像先讲下旧白肉，果然系名不虚传真白玉！用白开水滚熟啲肉，得咗！又玩食物原味道，佛系有味。你旧肉都冇味，辣油又唔香辣，蒜又冇蒜味，仲要劲少蒜，想点先？客人的口是否厨余收集箱？不过我谂啲厨余应该都仲浓味过呢碟𩠌。瑶柱芙蓉赛螃蟹- 白开水的味道完全写唔到感受，咩味都冇要条瑶柱嚟摄牙罅都冇蛋冇蛋味，觉得自己冇唒人间七情六欲觉得色即是空、空即是色究竟我仲系咪存在喺呢个地球究竟点解煮完嘅嘢食可以咩味都冇究竟芙蓉会点样品评这道白开水的𩠌究竟呢间餐厅应该如何自处做人真难 食个蛋都可以冇味 真系namaste上海清炒虾仁- 许志安之祸呢蝶野同志安一样，都系坏咗嘅人啲虾系霉的，厨师为什么这么坏呀？你攞霉虾嚟清
本人一直都想远离烦嚣红尘
但今次呢餐实在过份地难食
本人身为美食刑警 今次真系爆喇！
一定要警惕世人唔好再呑咽难食嘅食物
希望啲餐厅唔该有啲良心
唔好当客人嘅口系垃圾站
多谢合作
原味小笼包- 金玉其外、败絮其中
其实话佢金玉其外都俾咗面
成个小笼包得个外皮小笼包
我一食落口入面竟然冇味！
而家系咪玩食物原味道？
佛系品味- 味道要来时便要来，味道无时别强求
香辣蒜泥白肉- 唔辣唔蒜四不像
先讲下旧白肉，果然系名不虚传真白玉！
用白开水滚熟啲肉，得咗！又玩食物原味道，佛系有味。
你旧肉都冇味，辣油又唔香辣，蒜又冇蒜味，仲要劲少蒜，想点先？
客人的口是否厨余收集箱？
不过我谂啲厨余应该都仲浓味过呢碟𩠌。
瑶柱芙蓉赛螃蟹- 白开水的味道
完全写唔到感受，咩味都冇
要条瑶柱嚟摄牙罅都冇
蛋冇蛋味，觉得自己冇唒人间七情六欲
觉得色即是空、空即是色
究竟我仲系咪存在喺呢个地球
究竟点解煮完嘅嘢食可以咩味都冇
究竟芙蓉会点样品评这道白开水的𩠌
究竟呢间餐厅应该如何自处
做人真难 食个蛋都可以冇味
真系namaste
上海清炒虾仁- 许志安之祸
呢蝶野同志安一样，都系坏咗嘅人
啲虾系霉的，厨师为什么这么坏呀？
你攞霉虾嚟清炒，你为什么这么坏呀？
为什么要给客人吃坏掉的虾呀？你为什么这么坏呀？
上海外婆红烧肉- 吓死外婆冇命赔
成个上海嘅外婆齐齐站起来！
成件事得啲油脂系冧嘅
下面啲肉硬过你条命
大佬呀畀啲精神得唔得先？
成旧肉虎头蛇尾，你对得住上海嘅外婆咩？
糖醋鱼片- 舌尖上的石头
糖醋味道层次唔出，得个甜味！劲似普通茶餐厅几十蚊大盒饭嘅假糖醋味。
仲有块鱼，唔讲以为自己食人肉定咩肉
完全冇鱼味，旧肉仲要劲硬
劲似呀妈劲惊啲肉唔熟所以要煎耐啲搞到旧肉硬过啲万年便秘嘅便便
完全食唔到落去 啲鱼鞋过你鞋底
宫廷驴打滚- 一只不会打滚的驴
如果我系皇帝，然后御膳房整呢个𩠌我食
我应该会玩十大酷刑，才叫个厨师同我日日去睇下究竟啲驴系咪软皮蛇！
呢个甜品劲冧，冇口感，个馅冇豆味
成件事得个甜字！冇层次，乜都冇！
冇冲击，冇动力，乜都冇！
如果而家系打紧机的话，去到呢个甜品，我啲血已畀人扣唒咁滞！
桂花酒酿丸子- 好似食痰咁
痰咁杰，冇酒酿味，啲丸子又系一pat 屎咁。
我自乜煮仲好食，其实你有冇自己试过菜先畀人食㗎？
好彩本身我个人都比较正面乐观，如果唔系食完呢餐饭我应该会心情郁结，信主都帮我唔到。
总结：呢个世界系有奇迹，呢间餐厅仲未执就系一个奇迹。所以话：生命满希望，前路由我创系真㗎！🥰
后记： 颓食到有啲相都冇影到 🤢 而家要去食返个炒面王先
张贴
