天澄閣

营业中

休息中

依家酒楼有啲位系可以见到个海，好正！可惜今次饮茶唔系近窗𠮶边。一嚟到，楼面姐姐就会问饮咩茶，一场嚟到，当然要饮唔系间间茶楼都有嘅人参乌龙啦，十分推荐😆！-🍴凤爪排骨饭($19.8) - 只系早巿先有，原本系想叫北菰滑鸡饭，可惜冇晒。凤爪虽然得半边，不过几淋、几入味，排骨有少少肥，不过系可以接受嘅范围。-🍴蟹籽烧卖皇($30.8) - 入边好Juicy，而且会真系见到有虾肉喺入边，真材实料！不过唔算好大粒，如果可以大粒少少就好！-🍴米网太子肠($33) - 系上枱嘅时候，叫咗豉油另外上，以免肠粉吸太多豉油，太咸。里面包住左一啲虾同埋细带子，几鲜味！依个一上枱就要即刻食，就会识到米网脆卜卜。一放耐咗，就会开始慢慢变硬。-🍴生煎菜肉包(中点) - 煎到好金黄，以为会脆卜卜卜，但一夹落去，个包好软熟！虽然唔脆嘅口感，但系都食到阵煎香味！略嫌有少少油，不过可能因为系煎包，所以无可避免。