松記糖水店

营业中

休息中

质素太差，差到冇朋友！！近年食松记糖水，连锁店式嘅质素都系每况愈下，毫无改善嘅迹象，但估唔到今晚嘅质素停差成咁！！今晚本来有其他糖水铺选择，点知行吓行吓，屋企人都系入返松记。我哋都好喜欢食台式糖水，特别系芋圆，而附近都有两间做得非常出色，所以喺呢度见佢讲自家制手工芋圆，忽然有一点心动想试吓，点知就铸成大错！我哋分别叫咗芒果芋圆仙草冻和紫薯芋圆仙草冻，佢张海报仲煞有介事写明系特盛芋圆量，点知。。。令我马上再出现一个念头：同自己再讲一次，以后千其千其千其唔好再去松记！！！首先，所谓自家制嘅手工芋圆，完全煮得唔过心，毫无黏韧嘅口感，只系死死实实；仲要讲到系特盛嘅份量，大家睇下张相数下究竟有几多粒？？至于喺台式糖水最常见嘅红豆配料，连一d红豆蓉嘅感觉都冇，只系好似用糖水将红豆烚熟左掠干水，一粒粒散收收。啲黑珍珠都系，完全冇黑糖浆，所以都系一粒粒散收收。至于碗底嘅仙草冻，份量真系少得可怜！！加埋两块芒果，每一样应有嘅配料都齐全，但完全系貌合神离，只系将独立嘅配料放埋落一个碗，卖相非常求其！相当丑样！同海报设计图片出入相当大！而且每种食材都冇连结，即系同你分开将每样材料摆落个口吞落肚冇分别！！结论