影片
更多
2022-06-12
923 浏览
今日第一次去食呢间听讲好出色既泰国菜，夜晚8:30去到门口，仲系见到人头涌涌😫大约有10几人等紧位，本身都有谂住打退堂鼓，但系女朋友话想食，唯有照等…佢话一定值得㖞😌最后等咗唔使半个钟就入得，比想像中快，餐厅设计比较简朴，好有泰国小店既感觉，坐位比较窄少少，但胜在冷气够，太热天时都唔会觉得辛苦。我哋等位嘅时候已经谂定咗食咩，一入到去就落单，见侍应姐姐一路听一路写左张泰文既单比我地。当我仲好好奇咁研究紧佢写既泰文既时候，奇迹发生左… 所有食物竟然喺5分钟之内全部到齐晒！！😍我地总共叫左5个菜式两杯野饮，出菜速度快到好唔真实，完全食正无耐性既香港人口味，值得一赞。偷偷望左入厨房，大约都有3-4位厨师开紧工，分工明确，确实专业。食评如下：1. 柚子鲜虾沙拉 $42 沙律用左金柚、白灼虾2只、红葱头、炸蒜，再配以泰菜必备既鱼露底混合而成。金柚十分鲜甜、喺大量配料及调味料中都唔会显得失色，同之前食过既泰菜相比，呢度既柚子沙律调味比较清淡，唔会有调味料抢过食材味道既情况，更能突出金柚既味道。真系要挑剔既就系只虾，份量较少以及灼得过左火，肉质唔弹牙，我个人觉得唔加好过加。2. 泰式酸辣凤爪 $41
今日第一次去食呢间听讲好出色既泰国菜，夜晚8:30去到门口，仲系见到人头涌涌😫
大约有10几人等紧位，本身都有谂住打退堂鼓，但系女朋友话想食，唯有照等…佢话一定值得㖞😌
最后等咗唔使半个钟就入得，比想像中快，餐厅设计比较简朴，好有泰国小店既感觉，坐位比较窄少少，但胜在冷气够，太热天时都唔会觉得辛苦。
我哋等位嘅时候已经谂定咗食咩，一入到去就落单，见侍应姐姐一路听一路写左张泰文既单比我地。
当我仲好好奇咁研究紧佢写既泰文既时候，奇迹发生左…
所有食物竟然喺5分钟之内全部到齐晒！！😍
我地总共叫左5个菜式两杯野饮，出菜速度快到好唔真实，完全食正无耐性既香港人口味，值得一赞。
偷偷望左入厨房，大约都有3-4位厨师开紧工，分工明确，确实专业。
食评如下：
1. 柚子鲜虾沙拉 $42
柚子鲜虾沙拉
48 浏览
1 赞好
0 留言
沙律用左金柚、白灼虾2只、红葱头、炸蒜，再配以泰菜必备既鱼露底混合而成。金柚十分鲜甜、喺大量配料及调味料中都唔会显得失色，同之前食过既泰菜相比，呢度既柚子沙律调味比较清淡，唔会有调味料抢过食材味道既情况，更能突出金柚既味道。真系要挑剔既就系只虾，份量较少以及灼得过左火，肉质唔弹牙，我个人觉得唔加好过加。
2. 泰式酸辣凤爪 $41
泰式酸辣凤爪
28 浏览
0 赞好
0 留言
水准同其他地方食到既相约，调味都系恰到好处，凤爪爽口而且全部切到一口大小，唔怕弹到成身都系。口味唔会过辣，配料亦比较清新，唔会食到好口渴。
3. 双拼猪鸡串烧 $42
双拼串烧（猪鸡）
41 浏览
0 赞好
0 留言
串烧睇得出唔系铁板/碳烧，而系传统泰国街头既无浆油炸方式，比起平时食开既日式串烧少左份碳香味。之但系虽然佢油炸，但系炸既火侯唔错肉质保持到嫩滑，即使佢猪肉串烧用左好难烧得好既厚猪扒肉，都唔会鞋口。串烧配有泰式沙嗲酱，但无咩味道，好在本身串烧炸得好，唔点酱都一样美味。
4. 泰式炒粉丝 $45
泰式炒粉丝
45 浏览
0 赞好
0 留言
用料同传统嘅泰式炒金边粉几乎一样，只不过系金边粉换咗做粉丝。配料包括鸡肉、豆腐干、鸡蛋、芽菜、葱、花生碎，相当足料，粉丝嘅口感比较贴近香港常见既龙口粉丝，而且粉丝系全部剪碎晒，令到炒嘅时候所有配料同调味料混合得好平均，唔会有粉还粉、料还料既情况，呢个心思位又系值得一赞。
5. 泰式炒椰菜苗 $45
泰式炒椰菜苗
30 浏览
0 赞好
0 留言
叫嘅时候纯粹好奇泰式炒菜到底系咩一回事，本身都惊会伏左自己，但系一黎到就知岩我口味。泰国椰菜苗用上辣椒、蒜茸、豆豉去炒，带细叶既椰菜苗挂汁能力超卓，一食落口香味爆发，唔会太咸，而且辣劲十足，绝对会追住黎食！唔食得辣既朋友就唔好叫喇，可以食返较咸香既马拉盏。
6. 珍多冰 $20
珍多冰
24 浏览
0 赞好
0 留言
同街边饮到既差不多，甜度适中，椰香尚可。
7. 青柠梳打 $20
青柠梳打
33 浏览
0 赞好
0 留言
梳打水另上，糖浆预先加左入冰，应该可以要求少甜。青柠都好足料，唔会hea你比得半个柠。
成餐饭由入座到埋单虽然只系用左大半个钟，但已经足够比到好深刻既印象我—食物选择多，出菜速度快，调味料同香料既运用恰到好处，性质比极高。比著喺市区既泰菜店，同样食物应该要两倍价钱，仲要无咁出色，呢啲舖头真系买少见少，仲可以食到系我地既福气。
唯一可以批评既可能系厕所卫生情况未算理想，但小店本来都无期望啲咩，唔影响食物质素就得。
非常期待下一次再访，试埋其他小菜同甜品，例如泰式烤鱼、泰式咖喱、芒果糯米饭、椰汁糕…谂下都觉得幸福☺️
十分推荐仲未试过既大家，同家人朋友一齐黎呢度仔细品尝正宗泰国味👍🏻
张贴
