牛奶冰室 (惠安苑)

营业中

休息中

一向都有帮衬唔同牛奶冰室唔同分店，觉得佢系ok嘅，直至今次去了呢间太古/鲗鱼涌分店。其实我知佢系新店，亦都知佢平日食午饭系多人到恐怖(行人路被等侯嘅人全封，险象环生)。今次难得早少少放lunch就去试吓。点菜冇乜特别，一人食当然系搭枱。但我12:11落嘅单，12:31都未上到，以主力服务太古坊打工仔嘅餐厅嚟讲真系唔多掂。都算了，我叫嘅系松露鸡球焗饭，嚟到就食。由于赶时间，就算闻到冇松露味都照食住先。但越食越唔妥，点解系蕃茄汁？跟住食食吓发现，点解系猪扒嚟？唉摆到明送错了(相中有埋单)。算了，再换恐怕迟到。已经全盘接受港式餐厅嘅等位搭枱服务，但今次又迟又送错，仲要唔平(焗饭连冻饮67)，实在难以接受。希望公司好好检讨吓。最后，铺入边嘅职员都算殷勤嘅，见到佢哋已经尽力。