米線陣 (海富中心)

营业中

休息中

箍牙妹因为好多时都食唔到野，所以好多时都选择食粉面，米线阵分店多，习惯左佢个模式，当然见到都会继续帮衬，但发现每间分店嘅价钱同质素原来都有好大出入，金钟虽然贵啲，但系可以继续帮衬嘅一间。因为整完牙，都惊开始食唔到野，无谓献丑，所以选择买外卖，外卖系会汤同米线分开，令到米线同食材保持质感，唔怕买到返去浸到淋哂，系一间用心嘅餐厅，但当然无咁环保啦，而家对箍牙妹黎讲，浸嘅时间无咁耐，食落当然劲有咬口啦，好彩都食到。汤底我拣左麻辣蕃茄汤，我觉得呢个汤好正，小小麻，多蕃茄蓉，两种味道配合得恰到好处，食落零舍醒神，而且食到真正蕃茄，感觉又健康左。配料今次我选择了竹笙同香酥猪颈肉，竹笙无咩特别，猪颈肉就调味唔错，而家切得比较幼身，箍牙妹都仲食到。。。比起其他食店嘅薄片猪颈肉，我居然食唔到😭，所以呢个猪颈肉系箍牙妹箍牙两年以来第一次咬到嘅猪颈肉。另外，因为箍牙妹已经成为会员，每次出示会员证都有减$5优惠。