翠灣漁港

营业中

休息中

第一次嚟呢间翠湾渔港饮茶，上到嚟发现地方都几大，枱与枱之间都几阔落，坐得几舒服，有风景𠮶边，个景观都几开扬，场内亦都有电视睇，亦都有好多生猛海鲜，柴鱼花生粥(大点)，柴鱼花生粥，除咗大碗之外，都几足料，有好多柴鱼同花生，而且味道亦都唔会过咸，蜜汁叉烧皇(例牌)，叫咗味皇之选，一份例牌嘅蜜汁叉烧皇，一上枱已经闻到蜜烧嘅香味，例牌的份量不少，肥瘦均匀，调味亦都恰到好处，而且叉烧肉亦没有过份染色，果然是皇牌产品，笋尖鲜虾饺(顶点)，虾饺皮薄馅靓，每一粒都胀卜卜，大大只，有好多虾喺里面，馅料笋的口感亦非常爽脆，四宝鸡扎(特点)，四宝鸡扎好大只，特别要赞嘅系鸡肉非常大件和嫩滑，其余三宝味道亦很不错，翡翠带子肠(特点)，翡翠带子肠，的确每一段里面也有带子，味道也颇鲜甜，而肠粉皮亦很滑，总结：酒楼座位几舒适，招呼亦殷勤有礼，点心质素有水准，特别要赞嘅系叉烧同虾饺， 个人认为系必点必食。