八幡屋日本料理 (已結業)

同我fd食生日饭 本身系食10楼 可惜10楼已经爆棚 甘我就是但选择左一间 我成班fd话不如试下9楼 点知真系奶晒嘢首先d刺身卖相好靓好靓 好大盘 但系三文鱼系完全冇味 而且切得超薄 甜虾赤虾一般 普通放题嘢 象拔蚌有d腥 其实我都知冇得同果d大喜屋同满屋比 但都唔会差到甘呀？？？寿司选择都比较多 唔系差又唔系好 一般般...天妇罗超级超级唔掂 炸物系超干身果只 芝麻鸡翅香芋丸好好味 烧鸡肉串同烧羊架我觉得真系几好食 叫左好多次 不过个烧牛舌真系好失望 得个黑椒味...其他野一品料理都系麻麻 d野偏冇味最后系最唔满意嘅地方 就系漏单超级严重 我卑10张可能黎得4-5张到啦。我人生真系未试过成班食放题系食唔饱咯 叫极d野都系冇上 我地成班食完仲要番屋企食公仔面 你话死唔死？甜品方面ok嘅 红豆布丁 苹果一口大幅几好食 饮品款式唔系好多 根本冇野好饮 得普通可乐系最好饮 唉 希望大家去果阵都系考虑下先啦 我就唔会有下次！！！