影片
更多
2024-01-29
3236 浏览
嚟到嘅时候，我哋好似系进入咗一个平行宇宙。系嘅，我哋提前话咗系周年庆祝，但员工对我哋嘅反应，就好似我哋话「今日系我哋嘅葬礼」咁。我谂我哋应该带埋遗照去，可能会获得更好嘅服务。我哋一坐低，等嘅唔单止系食物，仲有基本嘅尊重。水杯一直都空空如也，预约咗个T-bone牛扒就话卖晒，咁我提前预约系做咩嘢嚟嘅呢？头盘嚟咗嘅时候，我谂住可以开心啲。但系，好似香港嘅地产一样，外表华丽但内在空洞。牛扒等左个半钟终于到咗，可能正正煮左个半钟，所以medium rare 都变 medium well，质感连屋企只汪财都食唔惦。虽则waiter 坚称呢个系佢地medium rare 嘅做法，但都乐意重做。而牛扒重做返嚟嘅时候，已经夜深人静，好似等紧末日咁。最得意系佢哋嘅服务态度，我同我伴侣由落单到埋单都等啲waiter等到佛诞。佢地理你嘅频率好似流星雨一样，你要好好把握机会许愿望。等候嘅时间之长，我甚至开始担心我会错过我下一个周年庆祝。最后，我地周年纪念唯一兴幸系仲有尾班车翻到屋企。我哋嘅经历绝对系一个提醒：唔系所有餐厅都识得点样尊重同款待客人。下次庆祝，或者真系要拣去街边小食档，起码佢哋唔会漏咗我串鱼蛋！
我哋一坐低，等嘅唔单止系食物，仲有基本嘅尊重。水杯一直都空空如也，预约咗个T-bone牛扒就话卖晒，咁我提前预约系做咩嘢嚟嘅呢？
头盘嚟咗嘅时候，我谂住可以开心啲。但系，好似香港嘅地产一样，外表华丽但内在空洞。牛扒等左个半钟终于到咗，可能正正煮左个半钟，所以medium rare 都变 medium well，质感连屋企只汪财都食唔惦。
虽则waiter 坚称呢个系佢地medium rare 嘅做法，但都乐意重做。而牛扒重做返嚟嘅时候，已经夜深人静，好似等紧末日咁。
最得意系佢哋嘅服务态度，我同我伴侣由落单到埋单都等啲waiter等到佛诞。佢地理你嘅频率好似流星雨一样，你要好好把握机会许愿望。等候嘅时间之长，我甚至开始担心我会错过我下一个周年庆祝。
最后，我地周年纪念唯一兴幸系仲有尾班车翻到屋企。
我哋嘅经历绝对系一个提醒：唔系所有餐厅都识得点样尊重同款待客人。下次庆祝，或者真系要拣去街边小食档，起码佢哋唔会漏咗我串鱼蛋！
张贴