牛の鍋日本料理

营业中

休息中

以前想响荃湾打边炉，第一时间就会谂起呢间牛之锅，因为佢几多嘢食，啲牛、猪质素几好，甜品又多样化，其他食物种类都多，CP值颇高，不过依啲都系几年前嘅事。最近几次帮衬，发觉质素下降咗好多，嘢食少款式少之余，佢主打嘅牛质素亦都开始下降。上星期谂住俾多次机会佢，嚟多次试吓，点知亦都系最差嘅一次。先讲食物种类，好明显冇咗好多嘢，丸类得𠮶一两只，连墨鱼丸同其他火锅类包心丸都冇；再讲牛猪羊质素，以前系一大大碟，牛都系有晒脂肪纹，依家嚟嘅系普通肥牛咁，好失望！我哋张枱算好，因为冇乜点漏单，隔篱枱食最贵𠮶个set，漏单漏到七彩，要嘈到去类似经理嘅店员先有得食。我想话，如果继续咁嘅经营方法，迟早都流失好多客，而我亦都唔会再帮衬呢间店舖！唯一可惜嘅系荃湾区少咗一间好嘅火锅店。