尋味

营业中

休息中

今日去咗大围行山，夜晚就已经唔想返屋企煮饭，喺附近同朋友揾咗呢一间小店，补充番啲卡路里！由于天气实在太热，餐厅随即送上一个前菜开一开胃口，呢一份凉拌莲藕白醋同糖嘅比例非常合适，唔会过酸，莲藕口感爽脆。先叫咗养生煲胡椒猪肚鸡，胡椒味都几重，鸡肉尚算嫩，汤底相当浓郁，而且啲料都几多，当然亦少不免要叫返一碟肉。朋友拣咗安格斯肥牛，嚟到一大份都几多，肥瘦平均，肉味香浓，碌两碌就食得～亦都因为行完山嘅关系，特别口渴，所以亦都叫咗一杯招牌鸭屎香柠檬茶，饮落清凉清爽，茶味都几清。