影片
更多
2020-08-23
603 浏览
小食店通街都系，而玛斯小食就偏偏开系火炭工业区楼上，专做外卖。原来除左外卖，店内仲有几张枱可以坐低慢慢叹，同朋友踩单车一场黎到，坐低食埋先走啦。🍴奥地利天然矿泉水小店本身有冷气，但一坐低，老板即刻搬埋部风扇出黎帮我地降温，够晒体贴。睇紧餐牌之时，老板问我地饮唔饮冰水，点知拎左樽奥地利天然矿泉水，真系受宠若惊，饮落几甘甜，仲有股人情味。🍴花雕醉鸡翼 HK$22鸡翼算大只，闻落已经酒香扑鼻，咬落去肉质冰凉结实，唔会浸到霉，酒味甘香醇厚，无苦涩味，极之出色。🍴墨西哥风脆玉米片（跟芝士酱番茄碎） HK$20玉米片够脆，芝士酱又浓又多，加埋番茄碎就无咁腻，老板仲私人醒左少少肉碎比我地试下，牛肉碎用孜然、洋葱炒过，好惹味，令成碟玉米片提升左一个层次。🍴韩式火腿拉丝芝士蛋吐司 HK$25火腿芝士多士只要够热就好难会唔好食，初初以为韩式多士系煎到表面香脆，入面再加重口味酱汁，原来唔系咁，佢用左类似法式多士做法，将面包浸完蛋汁再煎，因为唔系炸，所以表面只系香但唔脆，但里面就非常香软，几特别。🍴日式咖喱鸡饭（大） HK$28除左小食，呢度仲有简单粉面饭。日式咖喱辣多于甜，几岩我口味，可惜鸡肉鞋左少少。份量
小食店通街都系，而玛斯小食就偏偏开系火炭工业区楼上，专做外卖。原来除左外卖，店内仲有几张枱可以坐低慢慢叹，同朋友踩单车一场黎到，坐低食埋先走啦。
🍴奥地利天然矿泉水
小店本身有冷气，但一坐低，老板即刻搬埋部风扇出黎帮我地降温，够晒体贴。睇紧餐牌之时，老板问我地饮唔饮冰水，点知拎左樽奥地利天然矿泉水，真系受宠若惊，饮落几甘甜，仲有股人情味。
🍴花雕醉鸡翼 HK$22
鸡翼算大只，闻落已经酒香扑鼻，咬落去肉质冰凉结实，唔会浸到霉，酒味甘香醇厚，无苦涩味，极之出色。
🍴墨西哥风脆玉米片（跟芝士酱番茄碎） HK$20
玉米片够脆，芝士酱又浓又多，加埋番茄碎就无咁腻，老板仲私人醒左少少肉碎比我地试下，牛肉碎用孜然、洋葱炒过，好惹味，令成碟玉米片提升左一个层次。
🍴韩式火腿拉丝芝士蛋吐司 HK$25
火腿芝士多士只要够热就好难会唔好食，初初以为韩式多士系煎到表面香脆，入面再加重口味酱汁，原来唔系咁，佢用左类似法式多士做法，将面包浸完蛋汁再煎，因为唔系炸，所以表面只系香但唔脆，但里面就非常香软，几特别。
🍴日式咖喱鸡饭（大） HK$28
除左小食，呢度仲有简单粉面饭。日式咖喱辣多于甜，几岩我口味，可惜鸡肉鞋左少少。份量都几多，只系28蚊，如果唔想食咁饱ge可以拣细份20蚊，仲可以试埋其他小食添。
🍴朱古力心太软 HK$20、云尼拿雪糕 HK$10
估唔到小食店连心太软都有，真系唔野少，仲要卖20蚊咁平，老板系咪赚够想比其他人赚下？切开涌出热辣辣朱古力，好浓郁，又唔会太甜，岩晒我，质素拍得住坊间卖紧几十蚊ge心太软，呢度食一件等于赚左几十蚊，我今次就赚够喇，留番d比大家赚下。
🍴黑糖珍珠奶茶（跟餐） HK$12、珍珠奶茶（跟餐） HK$12呢度d珍珠奶茶唔简单，饮落有种亲切感，就系港式奶茶ge味道，老板话佢特登将茶底调到接近港式风味，配埋黑白奶，岩晒香港人口味。唔好以为港式奶茶加黑糖珍珠会不伦不类，味道好夹之余，珍珠仲够晒烟韧弹牙，又唔会太甜，唔止拍得住出面，直头有过之而无不及。
🍴花雕醉乳鸽
食到捧住个肚腩准备走之际，老板突然送上花雕醉乳鸽，话下个月先推出，比我地先倒入口为快，酒香同醉鸡翼一样香醇，而肉质就肥美嫩滑，好掂。
小食店黎讲，佢都算与别不同，唔止小食多款又好食，仲捞过界卖埋甜品同特饮，而且质素仲要好过坊间唔少专卖店，连价钱都平过人，你老板有无得赚架？
📍玛斯小食
火炭坳背湾街49-51号协力工业大厦3楼01室
张贴
