極上千島櫻海景放題 (已結業)

呢间野嘅卖点只系得海景，野食根本不值一提！见咁多人写到咁好都唔知系咪打手嚟😓首先入到去睇下自助区有咩好食啦，一望，啲嘢冇晒又无refill,食晒成餐饭都仲未见到refill😑另外食物质素方面，刺身质素就睇款啦，有啲唔错，有啲一睇色水灰灰暗暗咁，好唔新鲜。佢哋寿司啲紫菜淋晒，咬几下先咬得开☹️仲有个鸡软骨…我以为自己食紧炸鸡皮，啲软骨呢去咗边？？？撇除质素方面，其实一间餐厅煮熟啲嘢食先放上枱系最基本，但呢间系做唔到！嚟个翠玉瓜同个肥牛锅入面啲菜，全部都非常之咁脆卜卜，爽口到呢☺️呢间真系无下次，如果唔介意食物质素，只系为左个海景你可以去试伏不过都唔建议，同一个商场我谂会有其他更好嘅选择