燒味滷師 (富榮花園) (已結業)

真系唔好讲笑，每个人真都有惰性，我当然唔例外啦~ 寻日先讲完挂住睇波无时间煮饭，点知今日又系同屋企人挂住睇波，所以都系无时间买𩠌，不过唔紧要啦，好又一餐唔好又一餐，求其食的野啦~ 今日趁放早，早啲系附近睇下有啲乜嘢可以今晚食，其实有时喺街买小菜都真系几抵，返去净系煲少少饭咁就一餐~ 揸车经过屋企附近见到有间烧味舖，谂谂下都有一段时间无乜点样食烧味，所以口痕都想食返餐，下午茶时间人流都唔系好多啱晒我慢慢拣，求其泊咗架车之后，就走去问个师傅有啲咩好介绍，佢话：「烧味、烧鹅同埋盐焗鸡都比较多人食。」 对于食肉兽嘅我，当然唔会放过啦，同埋呢啲烧味可以放多一、两日，咁嗌多少少都无所谓啦，见到佢挂起啲烧鹅又真系几靓，既然咁首先要咗一份烧鹅上庄，上庄因为啖啖肉有口感，所以就最啱我。之后谂住嗌半只切鸡，不过师傅话盐焗鸡刚刚出炉热辣辣可以试下，既然咁讲梗系试下啦，食得烧味当然唔少得要埋叉烧啦，见佢啲叉烧都烧得几靓，咁就要试下啦。以前年青时候间中会去中环X记食佢个肥㶶叉，不过人大咗惊胆固醇超标唯有忍下口，最后要咗半肥瘦就算。临俾钱𠮶阵时见到冻柜入面都有啲小食，有海蜇、泰式凤爪同埋手撕鸡，本身我都想要埋手撕