Neway Karaoke Box (已結業)

为左一个唔知为咩既聚餐 , 好难得走到咁远唱K buffet , 最紧要系今晚有人万岁唔驶钱 , 咪当去食一个平价酒店buffet啰 , 不过我地成8点几先去到 , 开头好惊已经比人拎哂d野食得返个盘 , 不过幸好呢间Neway换野食既速度都几快 , 一见到空盘情况就会换 , 而且间中仲会有d新菜式 , 唔会食黎食去都系个几样。友人话估唔到烧鹅味道竟然唔错 ; 刺身就唔够新鲜 , 唯有将就下啦 , 始终呢度都系唱K为主buffet只系配角 ; 第一次食K buffet仲有斋叉烧同斋鲍鱼粒 , 味道口感都似平时食斋舖个d ; 个人最欣赏系芝士焗双花 , 因为我系极爱食西兰花同椰菜花 , 整得好"林"身 , d芝士味道又唔会太浓搞到冇哂菜味 ; 甜品既样就整得几靓 , 不过偏甜。 后来仲叫左炸薯条黎食 , 好大碟而且系热辣辣 , 又比成碗茄汁我地点wor , 都几周到。总括黎讲 , 呢间Neway既buffet唔会比TST个d旺区逊色。