華星冰室 (E-Max) (已結業)

作为华星既常客 真系几乎食过晒佢所有华星分店既常餐 所以难得嚟到九龙湾EMax 就梗系要食下我最爱嘅华星啦 首先要赞嘅 可能系𠮶日已经过咗lunch Time 人唔多竟然唔使排队 好surprise 呢间华星系自助揾位 然后出去叫餐再等佢嗌Number 系走快餐店路线 所以都方便同埋呢间系唯一一间可以坐好耐嘅华星 完全唔会俾人赶走 我同我朋友倾住计咁慢慢食 坐左成两个钟 都系第一次 不过嘢食就唔太合符期望 同样系常餐 呢一间分店嘅嘢食只系温暖而唔热 件多士唔太脆 叉烧都几韧 好在奶茶都仲系好好饮所以话有得必有失 可以坐好耐嘅代价就系嘢食水准冇咁高 所以我谂下次都系会食返湾仔或者筲箕湾嘅华星