B記車仔麵

营业中

休息中

B记车仔面，系天水围的朋友间听就听过好多次，不过就真系未食过，今次系第一次来食。店舖位于新北江商场内, 对于"非天水围人"来讲, 新北江直情系一个活生生的迷宫, 如果唔系有人带路,或者好熟地形, 绝对系唔会根据店舖number 而揾到目标店舖的,朋友讲明系“佳宝”附近我都傻更更行错路，一路系 759 / 大快活果边系咁揾（印象中食野呢边多），开始迟到唯有路在口边，好彩卖毛巾阿姐肯耐心教路。今次食左：川椒腩肉萝卜鱼皮饺油面 + 冻柠茶走甜腩肉坚多坚好食，而且明显比一般车仔面店高几班，汤底亦唔觉口渴中午时段都人山人海，一有人埋单好快又有人填返个吉位，人来人往就知道群众都支持呢间绝对值得下次再试，唯一唔好就系座位比较迫夹，但新北江个场，大部份都系咁的，唯有接受。