影片
更多
2020-08-14
364 浏览
今日晏左出門口無早餐食，行左去gogomall搵食，但好多餐廳都未開，咁岩見到有間泰國野，餐牌寫11：30開始有午餐食，咁就入左去。店面其實幾大下，但可能疫情關係所以無乜客吧！眼見有2個樓面，1個女既忙接電話，另1個男既忙包外賣，等左陣個男既聲控個女既幫我地落單，講完叫咩佢都未覆單就番去繼續做佢自己嘅嘢。（完全表達係嫌我地阻住佢地做野）落單後等咗30分鐘，唔好話杯飲品啦，水都無杯！最後碗船河黎到啦！（ 牛丸有雪味，牛腩好多，不過似煲完湯果啲肉咁，另外果2舊白蘿蔔仲要未熟既，個湯完全形式容唔到係咩味）正當我就食完碗粉，有第3個樓面番工，我揮手叫佢幫我地跟下張單，成間舖最好態度就係呢個短髮姨姨，真係去幫我地去睇下，而唔係好似另外果2個咁1味執外賣，1味話堂食整梗。於是乎落單後40分鐘出現第二份午餐，咖喱牛腩飯，咖哩個味幾好架，但真係唔明點解可以等咁耐囉！正常午餐個咖哩汁唔係整定架咩？落單後50分鐘，杯咖啡同奶茶終於黎埋！（啲茶同咖啡要煲？）我食咁多年飯未試過食個午餐食到咁燥底，因為真係好差既體驗，所以我決定出post同大家分享下！呢間野我真係唔會再有下次！！
眼見有2個樓面，1個女既忙接電話，
另1個男既忙包外賣，等左陣個男既聲控個女既幫我地落單，講完叫咩佢都未覆單就番去繼續做佢自己嘅嘢。（完全表達係嫌我地阻住佢地做野）
落單後等咗30分鐘，唔好話杯飲品啦，水都無杯！最後碗船河黎到啦！（ 牛丸有雪味，牛腩好多，不過似煲完湯果啲肉咁，另外果2舊白蘿蔔仲要未熟既，個湯完全形式容唔到係咩味）
正當我就食完碗粉，有第3個樓面番工，我揮手叫佢幫我地跟下張單，成間舖最好態度就係呢個短髮姨姨，真係去幫我地去睇下，而唔係好似另外果2個咁1味執外賣，1味話堂食整梗。
於是乎落單後40分鐘出現第二份午餐，咖喱牛腩飯，咖哩個味幾好架，但真係唔明點解可以等咁耐囉！正常午餐個咖哩汁唔係整定架咩？
落單後50分鐘，杯咖啡同奶茶終於黎埋！（啲茶同咖啡要煲？）
我食咁多年飯未試過食個午餐食到咁燥底，因為真係好差既體驗，所以我決定出post同大家分享下！
呢間野我真係唔會再有下次！！
张贴
