皇廷酒家 (已結業)

今日去MegaBox行街，附近（国际交易中心）见到呢间野嘅外观都几好，入去试一试，叫咗嘢食等左20分钟,嘢食都未到,以为新鲜制造,上第一样野，先至系中伏嘅开始。煎薄撑 ,夹落去软林林，煎到又太㶶，好似煎左好耐番热咁。口感呕心鲍汁凤爪，重衰，好似煲左好耐咁，甩皮甩骨，酱汁好似盐水咁。芋丝XX外面又系煎到好㶶，一夹就散（里面水份太多）味道太咸煎酿青椒，好似油浸咁，软濑濑。以下呢张相,系我哋走之前影，好似完全冇食过咁差啲讲留咗个烧卖 ,衰过$10蚊5粒街边货。仲有个灌汤饺，啲汤味道好似拖地水。点食呀 🤮🤮真系好嬲，最后俾咗$207, 走人 太可怕啦为咗唔好有其他人中伏，特此打呢一篇食评。最后最后 ,职员服务态度极差，我叫咗个侍应来反映食物质素并要求cut单，佢话落左单之后冇得cut,冇礼貌地离开。