影片
更多
2020-09-11
395 浏览
话说系咁嘅因为疫情嘅关系街市熟食档八点几已经关左门⋯大家乐亦都冇乜选择提供到咁唯有去7–11隔离嘅桃园制作食嘢啦以前成日食外卖，不过近期佢转左餐牌之后好多选择都少咗而且佢哋用外卖装置嘅器皿亦都缩水…都系少咗嚟帮衬㗎啦而且佢哋系平均贵过大家乐同埋街市嘅茶餐厅！今日一家三人坐得入去食嘢⋯佢哋冇主动帮你量体温就俾你入座咁好啦坐低叫嘢食点知原来8:50佢哋嘅餐牌已经乜都冇咁滞得返啲快餐嘅食物！咁都入嚟坐咗咁硬着头皮食啦而且佢哋有冇事先通知乜都冇...。相就冇影啦谂住食个快餐求求期期快快手咁食完走人啦！点知一嚟冻饮就出事我叫咗杯冻好立克我饮之前都是先搞一搞个杯底惊佢哋𠮶啲份溶唔透！饮咗第一啖发觉冇味嘅..第二啖都系冇味㖞咁我举手叫个靓姐帮我换一杯..…不过佢好似唔系好信我讲嘅嘢咁样一面愕然好啦佢比第二杯我啦再饮只不过系比头先𠮶杯有返少少味都系唔得咁我今次举手叫个靓仔过嚟啦(因为夜晚得两个楼面）之后个靓仔就走去水吧叫佢冲个杯俾我隔咗一阵我就听到出餐𠮶个位置头先帮我玩杯嘢饮𠮶个阿姐高八度喺度讲：（杯嘢系咁个㖞！）我一听到当堂火都嚟埋个阿姐一攞杯野比我就闹佢我已经搞咗个杯底好多次啲糖粉溶晒我先饮！真系
大家乐亦都冇乜选择提供到咁唯有去7–11隔离嘅桃园制作食嘢啦
以前成日食外卖，不过近期佢转左餐牌之后好多选择都少咗而且佢哋用外卖装置嘅器皿亦都缩水…都系少咗嚟帮衬㗎啦而且佢哋系平均贵过大家乐同埋街市嘅茶餐厅！
今日一家三人坐得入去食嘢⋯佢哋冇主动帮你量体温就俾你入座
咁好啦坐低叫嘢食点知原来8:50佢哋嘅餐牌已经乜都冇咁滞得返啲快餐嘅食物！咁都入嚟坐咗咁硬着头皮食啦而且佢哋有冇事先通知乜都冇...。
相就冇影啦谂住食个快餐求求期期快快手咁食完走人啦！点知一嚟冻饮就出事我叫咗杯冻好立克
我饮之前都是先搞一搞个杯底惊佢哋𠮶啲份溶唔透！
饮咗第一啖发觉冇味嘅..第二啖都系冇味㖞咁我举手叫个靓姐帮我换一杯..…不过佢好似唔系好信我讲嘅嘢咁样一面愕然
好啦佢比第二杯我啦再饮只不过系比头先𠮶杯有返少少味都系唔得咁我今次举手叫个靓仔过嚟啦(因为夜晚得两个楼面）之后个靓仔就走去水吧叫佢冲个杯俾我
隔咗一阵我就听到出餐𠮶个位置头先帮我玩杯嘢饮𠮶个阿姐高八度喺度讲：（杯嘢系咁个㖞！）我一听到当堂火都嚟埋个阿姐一攞杯野比我就闹佢我已经搞咗个杯底好多次啲糖粉溶晒我先饮！真系无味⋯⋯
我再同佢讲：唔好以为你喺出餐𠮶边讲嘢我听唔到你咁样讲即系唔信果客，你态度都好差下因为基本上个阿姐都系黑晒面又唔认错净系怀疑客人！
好啦…到我饮第三杯都唔系特别够味只系正常嘅淡少少，而且我发现佢哋冲个杯嘢饮𠮶阵时佢哋唔会用热水去溶晒啲好立克粉先再加冰
搞到杯野有二粒同冰差唔多大小嘅粉结咗旧喺度大佬点饮啊你哋个水吧师傅都冇心做
最后嬲嬲地饮剩半杯..将𠮶啲结成一旧嘅粉摆喺枱面俾佢去睇跟手埋单走人
之前我都成日叫佢哋嘅常餐蕃茄牛肉面不过汤底嘅水准十分唔稳定一是个汤底就好有蕃茄味重好，一是个汤底就淡到好似水咁！
喺呢间餐厅水准咁唔稳定嘅情况下每次叫嘢食都好似撞手神咁样睇你今日好唔好彩
真心我作为多年嘅顾客容忍量都已经有限，真心冇下次亦都最后一次
同埋你哋呢间桃园啲楼面阿姐出晒名冇礼貌㗎啦！麻烦改善下个个对啲客呼呼喝喝咁
张贴