Cafe 1950歐陸餐廳 (已結業)

好老实呢间野初初开个阵真系好得，又有啲set呀二，四人餐咁样配，价钱正路但最重要系佢质素好，又好味。但唔知点解会一落千丈，系走哂啲厨房同楼面？啲食物个样仲可以keep到，但味道根本唔系个回事。寻晚同朋友嚟食，间铺静到好似无开铺咁，麦当劳都旺过佢，我叫咗个安格斯，朋友叫咗西冷，加多个pizza。嚟咗个餐汤，暖嘅，而且咸，汤可以系暖嘅，间铺连煤气都要悭？之后啲扒到，除咗旧西兰花系热嘅之外其他都系暖嘅，系暖唔系热，连块扒都系暖嘅，真系够啦。初初旺到6点几已经等位等到傻，而家要等位都唔会拣佢，呢个变化管理层都唔觉得有问题嘅，不如真系执咗佢唔好系度浪费时间啦？初初同而家嘅质素都可以有咁大差别，你地觉得仲可以熬几耐？厨房出品差，大厨有责任，但经理都无去处理过架话，呢间野真心可以收工。做饮食唔系咁，做一间有良心嘅饮食更加唔系咁。除咗间铺个装修，无样好。睇落个样系唔差，但暖架。成碟野得西兰花系热嘅。