盛記粥麵

营业中

休息中

听人讲话呢间云吞面好食， 今次我喺专登过嚟试吓有几好。 餐牌上食物选择都几多， 叫咗云吞面， 猪肉丸粥各一碗试试。话咁快云吞面送到面前，已闻到好香嘅.汤底味道。夹起面条时会闻到少许碱水味， 但食到入口又出奇唔觉有碱水味， 面质幼细爽脆。 汤底够清，非常鲜甜，饮晒成碗汤， 完全唔会口干。至于云吞馅料味道浓郁， 有大地鱼浓香味， 虾肉量多爽口， 云吞嘅大细适中。 呢碗云吞面有功架， 真材实料， 色香味都出色。至于碗猪肉丸粥， 呢度嘅粥底较杰身，粥底煲得唔太绵滑。 肉丸食得出是手握， 味道质感是可以。个人认为呢度嘅粥对比起云吞面来讲会较为失色。