日之食放題館 (已結業)

讲真, 呢间o野价钱同食物都唔差, 但服态真系极有问题, 唔系话要酒店服务, 事实系连大牌档服务都冇.不过唔关普通员工事, 系o个个经理, 同埋某一,两个捕o系收银台o个员工(应该高级D).去过三次, 话明食两个钟, 但三次都计唔足数, 未够钟就赶你走, 惊死蚀畀你咁. 有次入去前睇过表, 明明系搭正椤位, 一个钟后个经理就队张单o黎, 话最后半个钟要埋单先. 睇张单都话入座时间系搭正, 但个经理死都话系搭九入座, 只不过佢等埋一次过入单. 张单时间唔可以作准o既话, 佢话几点入座都得o架啦. 就算系搭九入座, 最后半个钟都应该搭三先埋单啦, 又畀佢屈多三个字, cut头cut尾得番个半钟.又有次冇order包埋鱼生个餐, 但有个职员送错碟细鱼生o黎, 以为好似大久保咁有一碟仔送, 咁就食o左. 点知个经理睇到就用质问o既语气问我o地点解有鱼生, 然后拿拿临成碟椤走, 跟住仲当住我o地面大声闹D员工, 个feel好似我o地呃鱼生食咁...仲成日听到个经理同D高级员工o系收银台闹其他客呢样o个样, D态度真系好差, black list o左呢间o野.