影片
更多
2021-06-14
1207 浏览
周五晚倾盆大雨，一早约齐人去佐敦人气印度餐厅食印度菜。 印度餐厅里面全部都系香港客人，只有老板同伙计系印度人，咁你就知道呢度啲食物有几正啦 👍🏼👍🏼👍🏼👍🏼 我哋四个女子，由7:30食到人哋闩门，三个 round 一共叫咗十款食物认真疯狂 😜🤪😜🤪胡椒饼系送嘅，胡椒味香好薄脆，上枱时热辣辣 Pani Poori $35 炸脆外皮本身没有什么味道，里面装满紫洋葱及杂菜碎，加上少辣的酸汁，系一个餐前嘅开胃小菜，差不多每一台都有叫，有趣 +好味。Tandoori Chicken Tikka $95又系 signature 每枱都有嘅天多利烤鸡。香辣不干身，唔可以话鸡肉嫩滑，但入口仍然 juicy 。Tandoori Pomfret $128 是晚唯一过百元嘅菜式，比起什么明炉乌头，呢个真系抵食，鱼新鲜，烧得啱啱好，不会有太㶶食唔到嘅地方。 同鸡一样，因为烧嘅关系鱼嘅肉汁全部被锁在里面。割得好干净，冇残余内脏，冇腥味。Garlic Naam $25 当然系预备用嚟点咖喱，点知 curry 未到已经 KO 一碟，唯有 encore 啦 🤣🤣🤣🤣Lamb Masala $98没有羊膻味只有 Mas
我哋四个女子，由7:30食到人哋闩门，三个 round 一共叫咗十款食物认真疯狂 😜🤪😜🤪
胡椒饼
系送嘅，胡椒味香好薄脆，上枱时热辣辣
Pani Poori $35
炸脆外皮本身没有什么味道，里面装满紫洋葱及杂菜碎，加上少辣的酸汁，系一个餐前嘅开胃小菜，差不多每一台都有叫，有趣 +好味。
Tandoori Chicken Tikka $95
又系 signature 每枱都有嘅天多利烤鸡。
香辣不干身，唔可以话鸡肉嫩滑，但入口仍然 juicy 。
Tandoori Pomfret $128
是晚唯一过百元嘅菜式，比起什么明炉乌头，呢个真系抵食，鱼新鲜，烧得啱啱好，不会有太㶶食唔到嘅地方。 同鸡一样，因为烧嘅关系鱼嘅肉汁全部被锁在里面。割得好干净，冇残余内脏，冇腥味。
Garlic Naam $25
当然系预备用嚟点咖喱，点知 curry 未到已经 KO 一碟，唯有 encore 啦 🤣🤣🤣🤣
Lamb Masala $98
没有羊膻味只有 Masala curry 味，羊肉松软，滑兼且有𡁻口但不是韧，个人觉得比牛更好味👍🏼
Beef Curry $85
比羊辣一点，牛肉不嚡，千万不要错过碟内的薯仔，四边沾满咖喱，煮得淋一放入口立即溶化 😋
Butter Chicken $95
Chicken Biryani $75
除了香浓咖喱味外，另一个口感就系滑，我再将汁加在 Chicken Biryani 一齐食，令味道更丰富，因为印度米较干身，加少少一齐去食，虽然食法唔正宗，但系我觉得好好味呀 😚
我哋仲有叫 Vegetarian Samosas $38 ，Kale with Garlic $52 由于一上枱已经扫清，所以都影唔到相啦 😂
Mango Lassi $38
呢一款都系餐厅嘅热门饮品，唔算太甜有浓浓嘅芒果味，饮一啖可以清一清口腔嘅香料味道，不过不失。
友人叫了一杯 House Red Wine 🍷 $45 味道大路，普通货色不要有期望。
Lime soda $18 抵饮，系餐厅饮罐可乐都唔止$20啦！
每位连小费$250 有找。
我唔系印度人，我唔知道呢啲是否正宗印度味道，但可以肯定系佢哋嘅食物系啱港人口味，辣味及香料味冇 over，价钱实惠，质素又好，而且招呼有礼，其实佢哋已经有好多港人捧场客，是晚更是座无虚席，所以如有兴趣一定要订枱。
张贴
