The Grill Room (The L. Square) (已搬遷) 新店位置

呢间餐厅系openrice有成过千个好评，咁我就打算星期六过去试下。食完就发现果然好评多系有理由既！呢间餐厅系L square 5楼，系入户式电梯，一出电梯门就入到间餐厅㗎啦！餐厅环境舒适，梳化位仲有cushion俾客人挨住。食物方面，我嗌左一个set lunch，系七成熟既西冷配薯条，包埋个餐汤同饮品，仲另外加左28蚊叫左个是日甜品，今日既甜品系tiramisu个餐汤我个人就觉得麻麻地，觉得可以咸多少少，但唔算难饮。牛扒有阵炭烧嘅香味，入口软嫩，熟度照足要求，非常好。薯条应该系即炸，非常之脆。tiramisu甜味适中，口感轻盈，一啲都唔腻。最后讲一下呢间餐厅嘅贴心服务。见到我用手机睇紧片，个侍应即刻攞左个手机支架俾我，可见佢地非常留意客人需求。