惠 (已結業)

今日同我老公👨🏻‍🦱两周年纪念，原本都唔知食咩好，点知原来老公系想比惊喜我一早就book咗呢一间喺湾仔嘅日本🇯🇵餐厅。老公一早就将花🌹放咗喺𠮶度，一去到服务生就拎出嚟，贴心又有惊喜。环境相当之靓，午餐lunch set $1080，性价比非常高。先黎我最钟意响大阪食既大拖罗，响呢度食既味道同响黑门市场既素质无分别，又新鲜，又入口溶化，我好想叫多两件黎食😂食完之后师父介绍左𫚕鱼🐟比我地试试，同啱啱食既大拖罗味道大有不同， 口感比较多，鲜甜多一啲，几特别。最后黎个北海道马粪海胆，海水味都重👍🏻，但好甜，想黎多个都唔得，咁啱系最后一个，下一次一定要抢埋老公果件🤤