景發食店

营业中

休息中

星期日番完教会，我系德福广场行左一阵，见到处食肆都人山人海，咁咪行远多几步就黎左呢间系德福大厦对面的一间食店，呢度一带人影唔多，周围食肆净番得呢间，我就钟意啦! 唔驶咁多人，唔驶排队，又够经济。o岩o岩下午二点有下午茶餐食，我就简简单单咁叫左个雪菜肉丝通粉配冻奶茶，冻饮都唔驶加钱都系十九蚊，真抵食。雪菜肉丝同通粉份量十足，毫无欺场，冇将价就货，同平时茶餐厅水准不遑多让，汤底咸度适中，无话过咸。雪菜同肉丝都唔系罐头果种，都几入味，奶茶都ok，冇叫少甜都唔会过甜，o岩o岩好，赞!