Relish Kitchen by ALOT (已結業)

落雨天，要出外食饭，一系就屋苑楼下，再唔系就揾铁路沿线，最好唔驶担遮出街就最后。 Airside就有呢个决条件。上开饭做定功课，见到呢间Relish Kitchen地方几宽敞，又好似好chill 就试下啦。入门口第一步有少少失望，冇人带位什至入到去，都要叫个待应至有反应（当时餐厅并不多人）。环境的确唔错，不过餐牌食物选择略少。餐厅软件叫做可以（食物质素）不过硬件真系要改善（职员既态度）除左入门口冇人理，普遍冇咩笑容，都唔紧要。职员取走食完餐碟，亦唔会开口示意就取走。到埋单时，因为第一次光顾，并不知道可以出去收银处，当叫职员埋单时，佢只系示意知道，但系等候一阵并冇反应。只系我见隔离客外出埋单，至知系外出收银处付款。老实说，有时餐厅有冇回头客，除左食物外，其他条件都会影响到下次再光顾与否。