影片
更多
2024-10-16
3562 浏览
跟另一对夫妇嚟到「围坊」睇早场，睇完啱啱好喺食午饭嘅时间，呢度揾食就非常多选择，中西日东南亚乜都有，兜咗个大圈，最后相中「Greenhouse」，主打东南亚菜，贪其铺面装潢份外清新，就即管一试。踏入餐厅，地方几大，感觉几宽敞，加上座位编排唔算密，阔落嘅通道，令到空间感强；再者，天花、墙边都加入唔少「绿化」元素，予人感觉几舒服。周末就以周末午市套餐为主，基本上睇落好似两组午餐，一组卖$128，另一组卖$148，但边组都好，有部份菜式喺需要额外加钱。而套餐包是日餐汤或是日沙律，以及基本餐饮，当然可以加钱升级为其他特饮。是日餐汤今日嘅餐汤喺磨菇忌廉汤，睇外观都几唔错，入口先喺口感几顺滑细致，饮落菌香确喺浓郁，算喺有水准。是日沙律田园沙律以沙律菜、车厘茄及少少粟米组成，再淋上少少油醋，算唔上特别，但胜在沙律菜够新鲜啫。大虾牛油果沙律 $148虽然我哋各自点一款主食，不过，嚟到就一齐开心「些牙」。老婆就再拣多个沙律，皆因有牛油果，仲拌埋唔少芒果粒同士多啤梨粒，喺非常健康嘅菜式，而大虾都算爽口，鲜甜味都还可以，调味都喺简单嘅油醋，稍嫌单薄少少，欠缺亮点。黑松露焗猪扒饭 $148呢个焗猪跟预期好大落
踏入餐厅，地方几大，感觉几宽敞，加上座位编排唔算密，阔落嘅通道，令到空间感强；再者，天花、墙边都加入唔少「绿化」元素，予人感觉几舒服。
周末就以周末午市套餐为主，基本上睇落好似两组午餐，一组卖$128，另一组卖$148，但边组都好，有部份菜式喺需要额外加钱。而套餐包是日餐汤或是日沙律，以及基本餐饮，当然可以加钱升级为其他特饮。
是日餐汤今日嘅餐汤喺磨菇忌廉汤，睇外观都几唔错，入口先喺口感几顺滑细致，饮落菌香确喺浓郁，算喺有水准。
是日沙律田园沙律以沙律菜、车厘茄及少少粟米组成，再淋上少少油醋，算唔上特别，但胜在沙律菜够新鲜啫。
大虾牛油果沙律 $148虽然我哋各自点一款主食，不过，嚟到就一齐开心「些牙」。老婆就再拣多个沙律，皆因有牛油果，仲拌埋唔少芒果粒同士多啤梨粒，喺非常健康嘅菜式，而大虾都算爽口，鲜甜味都还可以，调味都喺简单嘅油醋，稍嫌单薄少少，欠缺亮点。
黑松露焗猪扒饭 $148呢个焗猪跟预期好大落差，先喺做唔出焗嘅效果，感觉有啲似淋上茄汁，加咗啲芝士上面，靠酱汁嘅热力逼溶啲芝士而已，无咗焗出嚟嘅焦香感。而猪扒用咗吉列方式整，外层做得比较油，猪扒个人觉得唔够松化，而饭内嘅松露香颇为隐若。
香草蚬肉意大利粉 $158呢个意大利粉喺要加钱嘅选项，睇到啲蚬非常大只，蚬肉亦都肥美带海水嘅咸鲜味，然而，意大利粉煮得比较干身，还好嘅喺口感唔错，咬落有烟韧感，无煮过笼。
铁板T骨牛扒 $196本谂住个T骨牛扒要加钱，应该有番咁上下，不过，嚟到个卖相真喺极之普通，跟好多港式豉油西餐嘅铁板比下去。至于质素方面，唔可以话差嘅，只不过无咩乜特别，肉眼𠮶边肉味只喺一般，西冷𠮶边亦未喺好够油脂香。
即磨咖啡反而杯即磨咖啡送到过嚟时已闻到阵阵咖啡香，睇睇表面层咖啡油已觉得好对版，入口唔单止芳香，𠮶阵阵咖啡味都好醇厚，带果仁香气，喺靓豆嘅出品。
绿茶脆皮梳乎厘 $78主菜嘅份量都有啲偏少，所以，大家都仲有大把位试多一份梳乎厘，唯可惜无加配优惠，只可散点。老婆就最钟意绿茶，就拣呢一款，大大个梳乎厘，焗得金黄，面层好脆口，里面好似绵花咁软绵绵，阵阵蛋香，加上微甘嘅绿茶味，非常之夹。
整体嚟讲，环境就几舒服，服务都算唔错，好多基本服务都做到足，例如：添水、换碟之类，侍应都有礼貌。不过，食物方面，就不太似预期好似个焗猪同T骨，就比较大落差，同埋有唔少主菜都要额外加钱，性价比唔算高。
张贴
