影片
更多
2018-12-06
289 浏览
GU 刚喺钻石山开咗分店, 呢日放工要去潮圣一下。印象钻石山无咩好野食, 稳稳阵阵可以选择连锁食肆, 但又想试下新野…打开Open rice见到呢间餐排第一行, 几多赞好的食评, 虽然知道广告成份居多,但又无另外更好的选择, 而且我见到有我喜爱嘅炸鸡丼食,所以最后同朋友就决定一试了。去到大约19:00, 星期五嘅关系, 人多, 不过都系等一张枱就到, 大约15分钟喇。等紧嘅其间, 见到张张枱都食烧肉, 我地无谂过食烧肉架㖞,入到去唔食烧肉会唔会被人歧视架…果然, 我地一坐低, 侍应就乒乒乓乓帮我地SET 好哂食烧肉嘅用具,到我地点完餐, 侍应又问一次, 你地唔食烧肉?我地尴尴尬尬话唔食后, 佢又乒乒乓乓收返起啲烧肉SETTING,除咗气氛尴尬, 我仲会谂, 其实系咪除咗烧肉, 其他有制作过程嘅野都唔好食架呢?但佢明明熟食嘅选择都唔少㖞…...头盘嘅泡菜, 青瓜, 味道普通, 唔算好食, 3款我地都无食哂。炭烧半熟韩牛$108呢碟韩牛好似用来烧烤咁, 但侍应姐姐话系就咁食架,系咪好靓呢, 但系佢成碟野都未溶雪架,咬落去会食到一粒粒嘅雪, 又多根㖞,基本上, 你见到白色一条条𠮶啲雪花都系咬
呢日放工要去潮圣一下。
印象钻石山无咩好野食, 稳稳阵阵可以选择连锁食肆, 但又想试下新野…
打开Open rice见到呢间餐排第一行,
几多赞好的食评,
虽然知道广告成份居多,
但又无另外更好的选择,
而且我见到有我喜爱嘅炸鸡丼食,
所以最后同朋友就决定一试了。
去到大约19:00,
星期五嘅关系, 人多,
不过都系等一张枱就到,
大约15分钟喇。
等紧嘅其间, 见到张张枱都食烧肉,
我地无谂过食烧肉架㖞,
入到去唔食烧肉会唔会被人歧视架…
果然, 我地一坐低,
侍应就乒乒乓乓帮我地SET 好哂食烧肉嘅用具,
到我地点完餐,
侍应又问一次, 你地唔食烧肉?
我地尴尴尬尬话唔食后,
佢又乒乒乓乓收返起啲烧肉SETTING,
除咗气氛尴尬, 我仲会谂,
其实系咪除咗烧肉,
其他有制作过程嘅野都唔好食架呢?
但佢明明熟食嘅选择都唔少㖞…...
头盘嘅泡菜, 青瓜, 味道普通, 唔算好食, 3款我地都无食哂。
前菜
4 浏览
0 赞好
0 留言
炭烧半熟韩牛$108
炭烧半熟韩牛
$108
12 浏览
0 赞好
0 留言
呢碟韩牛好似用来烧烤咁,
但侍应姐姐话系就咁食架,
系咪好靓呢,
但系佢成碟野都未溶雪架,
咬落去会食到一粒粒嘅雪, 又多根㖞,
基本上, 你见到白色一条条𠮶啲雪花都系咬唔开架,
1块有大半块要𦧲返出来,
我食咗2, 3块, 食又唔系, 唔食又唔系,
未计加一要成$108, 一块要$13.5,
𦧲都𦧲咗$10,
如果有负分我想俾负分呀唔该。
第一碟𩠌来完之后,
等咗好耐都未有第2样野食,
有个侍应姐姐行过几次, 眼望望咁,
之后佢竟然过来问
”LAST ORDER了, 你地仲有无野叫?”
我话”无啦”
我心谂”我地坐低咗都系30分钟，咁快就LAST ORDER?”
之后佢又问”啲野食来齐未?”
我话”未呀”
我心谂”其实你系咪想赶我地走姐?”
金仔炸鸡饭 $88
金仔炸鸡饭
$88
20 浏览
0 赞好
0 留言
个饭外表好靓, 炸粉薄, 担担肉, 热辣辣, 分量多, 酱汁亦出色。
唯一我想一提嘅系佢件炸鸡嘅皮淋坺坺咁,
同平时食开嘅有啲唔同,
不过都可以算系佢舖头嘅特色。
江南UFO $78
江南UFO
$78
12 浏览
0 赞好
0 留言
个薄饼其实无咩特别，
无咩味嘅拉丝芝士，
无咩味嘅肉酱，
但分量足够塞饱你个胃，
呢个喺唯一我谂到嘅优点，
外貌亦唔美观。
焦糖爆谷白朱古力沙冰 $58
焦糖爆谷白朱古力沙冰
$58
15 浏览
0 赞好
0 留言
当我同朋友就来渴死嘅时候，
我地用尽最后一口气追问侍应我地杯野饮嘅下落，
问完真系好快有㖞，
朋友话佢见到其实2杯野一早已经放咁喺出菜位，无人攞之嘛，
早知一早问啦😑
杯沙冰来到时虽然溶溶地咁款，
不过饮落去都尚算ok，
系甜咗啲，
爆谷同白朱古力嘅配搭几特别，
但唔知点解杯野无匙羹，
佢suppose我点样食啲爆谷呢，
用饮筒啜，支筒个口又唔够大，
用饮筒舀，杯野又太高，
一舀啲沙冰就会塌。
🤨悬案一宗
呢度嘅食物质数参差,
有好的也有极差的,
虽然我今次无食烧肉,
但我都唔敢试多次。
其实如果佢烧肉系好食嘅话,
不如专心做好烧肉, 唔好做熟食,
咁起码唔会吸引到我呢啲俾负评嘅人来,
又或者专心做熟食, 唔做烧肉,
我个人觉得金仔炸鸡嘅potential几高, 可以继续钻研下。
假若周身刀张张利当然好,
但如果自己应付唔黎,
最后返而整亲自己就无为啦。
除咗食物质素, 整体嘅用餐体验亦不佳,
餐厅嘅安排唔够贴心, 节奏又CHUR㖞,
放咗工都系想食返餐安茶饭姐…..
张贴
