麺匠 真武咲弥 (已搬遷) 新店位置

湾仔尼边既街道有好多间拉面店，尼间主打3种汤底。环境虽然细，不过食物质素高，食完好有日本拉面feel。叫左灸热味噌拉面($80)，自家制炸鸡($55)。味噌汤底浓郁，唔咸亦唔油腻，所以食完唔会口干。叉烧有1大块，差唔多三只匙羹咁大片，肥瘦均匀。而拉面方面，软硬适中，唔会过硬，所以好弹牙。另外，仲有大量配菜，有笋同芽菜。一碗既份量都已经够饱。如果唔够饱既话，或者想试下新食法，餐厅建议，可以配饭黎捞汤食，好似泡饭咁。咁既话，就可以连汤食哂所有野。炸鸡大大粒 ，中间有d脂肪，所以有口感，炸完之后仍然多汁唔干，肉质嫩滑。炸粉亦薄薄一层。整体，好少拉面店会以味噌作为主要汤底，大多数系猪骨汤底，所以今次食到好浓郁既味噌，将前菜既汤当作主菜既汤，唔错。如果下午茶黎食，会再平dd。