影片
更多
2017-01-20
1188 浏览
专程由 V-City 走到虹桥想食鸡煲，谁知执左笠啰，唯有见咩食咩啦。见泰菜有位唔洗等，试试无妨。九点半冲入店内，一个食客都无㖞，只有泰藉侍应肥婶婶在用餐，称收 11 点半，慢慢坐唔洗急。对此食店泰好味完全唔认识，上网睇睇有咩招牌菜先，原来开业都已 10 年，但食评麻麻乍㖞。无有怕，做食家最基本条件就系要有冒险精神，黎咪黎啰 ﹗泰藉老板懂一点点广东话，但囡囡就只懂泰文，虽然识既广东话有限，依然陪住我地食野倾计添。两父女都非常亲民，还容许我地只定春放出黎，唔洗困系狗袋入面呢。囡囡原来系曼谷读兽医的啊，依家放紧假所以黎左香港渡假顺便帮下手，利害㖞。食过多间泰菜馆，泰式煲仔菜都系第一次见，而且有鸡煲呀 ﹗女皇要十点先收工，再返屋企带埋定春过黎，我已经好肚饿喇，叫个小食顶住先得。细味 menu 睇下有咩好野食先，真系好多款色，好多都想试啊。花多眼乱，睇黎要帮衬十多次先可以试得晒泰好味既出品呢。menu 上不泛特色菜肴，好有趣，从未见过。腌生肠？肥婶婶话系辣，不过今日货唔靓，所以无落货㖞，阴功猪无得试。长方形舖面装潢都好光猛、简约、骨子，卫生都合格。泰象啤，行到气喘梗系要叹支冰冻啤酒喇，樽面结晒
对此食店泰好味完全唔认识，上网睇睇有咩招牌菜先，原来开业都已 10 年，但食评麻麻乍㖞。无有怕，做食家最基本条件就系要有冒险精神，黎咪黎啰 ﹗
泰藉老板懂一点点广东话，但囡囡就只懂泰文，虽然识既广东话有限，依然陪住我地食野倾计添。两父女都非常亲民，还容许我地只定春放出黎，唔洗困系狗袋入面呢。
囡囡原来系曼谷读兽医的啊，依家放紧假所以黎左香港渡假顺便帮下手，利害㖞。食过多间泰菜馆，泰式煲仔菜都系第一次见，而且有鸡煲呀 ﹗
女皇要十点先收工，再返屋企带埋定春过黎，我已经好肚饿喇，叫个小食顶住先得。细味 menu 睇下有咩好野食先，真系好多款色，好多都想试啊。花多眼乱，睇黎要帮衬十多次先可以试得晒泰好味既出品呢。
menu 上不泛特色菜肴，好有趣，从未见过。腌生肠？肥婶婶话系辣，不过今日货唔靓，所以无落货㖞，阴功猪无得试。长方形舖面装潢都好光猛、简约、骨子，卫生都合格。泰象啤，行到气喘梗系要叹支冰冻啤酒喇，樽面结晒霜，入口打冷阵，爽呀 ﹗
碳烧猪颈肉，点解咁耐既？原来即烧翻热，唔系微波炉叮㖞，有诚意 ﹗闻到已经流晒口水，香气似层相识，似十足烧猪肉干既味道呀 ﹗急急掉旧入口，松软充满弹性，完全唔肥腻，唔会油淋淋，非常干爽㖞。烧得外层甘香微脆，燋香非常，每一口都充满肉汁。原味已经非常可以，沾上秘制酱汁更加惹味，食唔停口，送啤酒正到痺呀 ﹗
泰式凤爪，索一索，香气十分清新㖞，入口凉浸浸够晒冻，最怕室温或微暖感觉。无骨凤爪非常爽脆弹弹，味道够酸带甜好醒神开胃，散发著微辣而且还有浓浓强烈鲜茄味道，我地都十分喜欢，食都心心眼。比起红椒力量、泰海鲜、红蚂蚁、泰皇悦、等等，都更出色 ﹗
泰式生虾，上个月曼谷后既算次生虾。腍劈劈，肉质死实，无虾味无鲜味，泰式酸汁略咸泛著微辣。汁都还可以，虾就完全唔得。泰式炒通菜，蒸完再兜非常有印尼 feel，虽然无镬气，但都热腾腾，爽嫩多汁不干硬，鱼露鲜香，味道达标。
泰式干炒鸡肉河，香喷喷劲有镬气㖞，广东炒河感觉浓厚，干炒牛河画面在脑内闪过。几乎食不到的鸡丝，有几条作点缀，当然个炒河唔会食到有鸡味啦，而且炒得几碎下，幸好味道搭救。咽韧黏黏滑滑河粉非常可口美味，蛋花加酱油香甜非凡，辣椒酱都唔洗加，原味劲好食呢。
明炉冬阴功乌头鱼，个汤有肉松既？我觉得似酸辣肉松多过冬阴功㖞。耐心等候汤底滚开，期间要不停将汁淋上鱼身不同部位，因为受热唔平均，而且汤只浸到鱼既 4 份 1 都无，底就够热，面又点会热呢 ﹗最好一边滚开后再反另一边再滚，整条鱼先够热麻。
完成可以出炉喇 ﹗浅尝几口冬阴功汤，酸味浓而不辣，茄味突出，还隐约有点鱼味道，好饮又开胃。扫开香料夹出鱼肉，白烟直喷，好有气氛呢 ﹗鱼肉再三系汤汁上打滚再掉入口，啖啖肉劲满足，鱼味实净，欠缺鲜甜味。汤好好、鱼平平，一试无妨。鲜芒果冰，新鲜芒果榨汁，鲜甜幼滑好好饮呀，必试。
泰式炸虾饼，吉列虾饼？好得意㖞，吉列感强烈，咬到索索声劲松脆。食得到微弱的虾味，肉汁稍削，质地偏硬实，滚上大量甜酸酱都可口合格既。
泰式醉鸡煲半只，仲唔被我食到您 ﹗老板谂左好耐先答应煮比我食乍，因为今日无预备呢，依家即刻处理，麻烦晒啊。静候汤底滚起，立即倒晒鸡件去浸先，老板亲自帮我加酒呢。
跟广东菜唔同，鸡无用酒先腌㖞。起动 ﹗试下何为泰式醉鸡汤先，有酒味的香茅辣椒汤，没什么特别，无意见。肥美鸡件㖞，半只份量都不少。皮肉都非常嫩滑，又唔会太肥，不过完全无味，失败。其实我好想要辣椒豉油点鸡食呢，鸡件腌左先好更好味，汤底加多点泰国香料会更好。味道一般的平凡单调，试一次便够。
豉汁炒蚬，静蝇蝇地上台，无声无色无烟无热力，明显地兜个汁出货。超级混浊的豆豉味道，落得太多，太强烈喇 ﹗蚬肉彷如汆过几次水一样，缩晒水变得瘦猛猛干争争，橡胶般的质地，无蚬味无鲜味无海水味。汆过水都仍然有砂，整碟味浓而阴沉，真系唔多掂。食左两三只已经想放弃，但老板问点解唔食呀？好难食吗？唯有免为其难全部食晒去啦。
泰式虾仔湿炒河，叫错左湿炒添，我地其实想食干炒呢。虾仔烚到过晒火，干硬鞋无味道。炒河芡汁甜甜的，连河带汁扫入口味道不错，大量杂都都甜美满意。
泰象啤
36 浏览
0 赞好
0 留言
碳烧猪颈肉
28 浏览
0 赞好
0 留言
碳烧猪颈肉
30 浏览
0 赞好
0 留言
泰式凤爪
29 浏览
0 赞好
0 留言
泰式生虾
20 浏览
0 赞好
0 留言
泰式炒通菜
19 浏览
0 赞好
0 留言
泰式干炒鸡肉河
22 浏览
0 赞好
0 留言
明炉冬阴功乌头鱼
22 浏览
0 赞好
0 留言
泰式炸虾饼
42 浏览
0 赞好
0 留言
泰式醉鸡煲半只
26 浏览
0 赞好
0 留言
泰式醉鸡煲半只
20 浏览
0 赞好
0 留言
泰式醉鸡煲半只
18 浏览
0 赞好
0 留言
泰式醉鸡煲半只
22 浏览
0 赞好
0 留言
豉汁炒蚬
16 浏览
0 赞好
0 留言
泰式虾仔湿炒河
29 浏览
0 赞好
0 留言
张贴
