士林棧 (已結業)

今日到大角咀食杨春面，呢间面铺装修都嘅怀旧，坐位舒适。我试左个士林古早牛展杨春面，加桂圆红枣茶。香浓扑鼻嘅牛展面好快送上。牛展肉厚味浓，牛展虽然厚，但入口即溶，好软同出面食完全唔同。杨春面有口感，爽口微弹。汤低清甜不油腻。红枣茶好甜，好有红枣味。都几好饮。另外我朋友叫左五味炸鸡扒饭，呢个饭要比D时间，因为即炸，金黄色鸡扒上加上盐和辣味粉，侧边加有酸甜辣酱，当你放入外脆内软嘅鸡扒在口中时，你会慢慢感觉到有甜酸辣咸味道出来。果然系五味鸡。另外个饭都好特别，系菜饭加番茄汁，饭软菜爽口再添小小汁来食，特别滋味。