鳴虎 (北帝街) (已結業)

今晚去土瓜湾揾食，俾一间日式餐厅嘅装修设计吸引咗，就入去试吓。佢哋主打系拉面，我今晚就拣咗佢哋嘅鸣海老拉面，有虾味嘅猪骨汤上边再加丰富嘅樱花虾粉，感觉就似海鲜汤，味道非常香浓。拉面柔软弹牙，非常吸收到猪骨汤浓味。我知道每碗拉面系会有半只半熟蛋，但系原来加多$8就可以追加多一只，why not? 餐厅有好多唔同款嘅小食，所以今次试咗肉饺子，芝麻鸡翼，芝士鱼饼拼鱼条。芝麻鸡翼啱啱新鲜煎出嚟，热辣辣，香脆都差唔多连啲骨都食埋，芝麻味亦香。一向钟意食芝士嘅我，就深深地俾芝士鱼饼同埋芝士鱼条俘虏咗，每一口都系浓郁烟韧嘅芝士。嘢饮就叫咗波子汽水，又解暑，又揾返啲童年回忆。