影片
更多
2011-04-03
135 浏览
突然个客话同我食饭，无订位差啲无得食，今次坐房睇唔到无敌大海景，不过多左部电视。坐房最惨就系无人理，次次酙茶、落 order 都要走出房外揾侍应帮忙，唔多方便。近日师父啲味精越黎越重手，食完都几颈渴 ~ 味精抗通账？海蜇熏蹄，保持水准，熏蹄有赵口、有咸香，皮脆肉嫰。海蜇都满意既，爽滑啰。最紧要系配个白醋黎食，唔系味道就好寡喇。四川口水鸡，失手，好咸啊。完全唔辣，仲好油添，但点解今日啲酱料特别咸架，鸡肉口感嫰滑，几好，只不过太咸呢。避风塘三宝，仲谂住会用炸蒜蓉堆住三宝，原来系用天妇罗既做法炸，再用椒盐兜两兜。三宝有鱼肉酿青椒、红椒同茄子，炸酱薄薄一层好松化，不太油腻，好好味，尤其系茄子，切得够薄，炸到熟透，软棉棉，口感一流。炸明虾角配沙律酱，又一次失手，好咸呀，今日好多味都出手太重。虾肉鲜爽，炸得金黄香口，好味道，但太咸。都系较喜欢以前用粉丝卷住炸，卖相吸引又无咁油腻，好怀念。蟹籽烧卖，虽然无咩蟹籽味，但猪肉味香浓，虾仁鲜甜爽口，只用少量肥猪肉，口感够实净，好味道。鲜虾饺皇，皮薄馅靓够通透，食落鲜虾味浓又特出，口感爽甜美味，正。四宝鸡札，鱼肚、冬菇、鸡柳、芋头。又系芋头呀？我唔食芋头架，
海蜇熏蹄，保持水准，熏蹄有赵口、有咸香，皮脆肉嫰。海蜇都满意既，爽滑啰。最紧要系配个白醋黎食，唔系味道就好寡喇。
四川口水鸡，失手，好咸啊。完全唔辣，仲好油添，但点解今日啲酱料特别咸架，鸡肉口感嫰滑，几好，只不过太咸呢。
避风塘三宝，仲谂住会用炸蒜蓉堆住三宝，原来系用天妇罗既做法炸，再用椒盐兜两兜。三宝有鱼肉酿青椒、红椒同茄子，炸酱薄薄一层好松化，不太油腻，好好味，尤其系茄子，切得够薄，炸到熟透，软棉棉，口感一流。
炸明虾角配沙律酱，又一次失手，好咸呀，今日好多味都出手太重。虾肉鲜爽，炸得金黄香口，好味道，但太咸。都系较喜欢以前用粉丝卷住炸，卖相吸引又无咁油腻，好怀念。
蟹籽烧卖，虽然无咩蟹籽味，但猪肉味香浓，虾仁鲜甜爽口，只用少量肥猪肉，口感够实净，好味道。
鲜虾饺皇，皮薄馅靓够通透，食落鲜虾味浓又特出，口感爽甜美味，正。
四宝鸡札，鱼肚、冬菇、鸡柳、芋头。又系芋头呀？我唔食芋头架，都唔知几时啲鸡札兴起用芋头，记得细细个时都唔系咁，大多用火腿、珍珠笋、冬菇、猪肚、淮山、蟹柳，不过点都好过有啲食肆揾猪皮扮鱼肚啦，过份。讲返囍满庭既四宝鸡札，其实最好系唔好拆开，一啖咬齐四种食材先最好食，不同既味道及口感，非常特别又多重层次，非常可口。鸡柳鸡味浓且口感嫰滑，鱼肚软棉棉，索晒啲精讲，鲜甜美味，冬菇爽滑弹牙，腐皮爽滑又咽靭，正呀。
姜葱牛百叶，再三失手，好咸呀。口感够爽够嫰，但实在太咸喇。
鱼汤浸鲜竹卷，味道最正常既一味，清清地既鱼汤完全渗入卷中，不俗。无蚝皇鲜竹卷咁腻咁滞，曾系某酒家试过葡汁鲜竹卷，味道更胜一筹，超正。
张贴
