越南牛肉粉專門店

营业中

休息中

荔枝角工业区，好多人谷埋12点半至两点半呢段时间食饭，想揾个位都好难，如果有啲特色嘅食物，想食饭就要大排长龙！今日同同事就去咗食亿利楼下𠮶间越南汤河，等左15分钟，入去又逼又宅，食物质素又唔系特别好！我叫左个生牛肉汤河，阿姐问我,＄10有个小食㖞，咁我见阿姐诚意拳拳咁我叫多个啦！就加左个猪扒纸米卷！点知入面好少配料，只有一条猪肉，幼到好似只手指尾咁，一啲都唔吸引！呢个价值＄63嘅午餐，生牛肉汤河真系好细碗，唔饱又唔会特别好食，我自己对味精敏感，食完会特别口渴同埋会嘴唇肿，结果全中，本身越南汤河有好多配料，根本就唔需要落味精，所以非常之失望！