嚐點 (已結業)

如果你哋食完添好运同一点心都觉得唔好味嘅话,我谂你哋都系唔好帮衬此店嘅点心了,事关劲难食,价钱又比前两间贵,加上又咸又多味精,食完劲口喝,厨帅嘅厨艺真系好唔掂,要我再帮衬,下世都唔肯呀!!详细介绍如下:脆皮焗叉烧包同添好运真系冇得比,热就热喇,可惜包身做得唔够松软,热辣辣食都可以咁韧,冻咗肯定劲难食.馅料得啲汁,又咸又冇料,做得好差.虾肠粉皮好粉唔够滑,虾肉唔弹牙,落重胡椒粉,可惜一样食出有雪味,好难食.凤爪排骨石头饭,已经冇落豉油,味道一样劲咸,好多味精,食完好口喝.水晶菠菜饺,皮唔够烟韧,馅料味道一般,冇乜特别.瑶柱箩卜糕质感好粉,得胡椒粉味,箩卜清香欠奉,味道好差.