影片
更多
2019-05-14
548 浏览
一行三人想帮衬一下附近小店，见勤记都系食家常小菜，谂住试下佢。铺面唔算好大，十张枱度，我地入左都仲有两张枱剩。餐牌就小小地，有六个晚餐同几个海鲜。其实我地都细食，惊食唔哂，于是拣左两个𩠌，想要条菜，打算落单嘅时候问问有冇菜食下。老板娘正全神贯注睇紧倚天屠龙记，我地举手，老板娘一开头都视而不见，之后见其他伙计出紧菜，唯有走埋黎落单。老板娘一开始已经面露不悦：「讲啦！」我：「我想要，呢个，同呢个，另外想问问有冇菜呀？」娘：「黑板」其实黑板冇菜我：「会唔会有其他.....」其实未讲完......娘：「黑板，自己睇啦，冇架啦！」其实都已经嬲嬲地，我是但要左个。我唔系咩恩客，你亦都唔系收我咩大钱，我仲要阻住你睇倚天屠龙记最精彩嘅六大派围攻光明顶，但都系想阻你两分钟我就静静地食饭架啦，你唔驶咁样比面色同比气我受嘅......😰其实如果你睇唔起年青人或者学生，大可以唔做佢地生意，何必要打开门做生意仲要难受，又或者你系倚天屠龙记嘅粉丝，唔睇唔得，你大可以同我讲等阵先帮我落单，我唔介意，因为我都知好好睇，又或者你可以上网睇，我食迟几廿分钟唔会死架。公道讲句： 佢嘅食物唔差嘅，真系好似屋企饭咁，仲有碗汤水
铺面唔算好大，十张枱度，我地入左都仲有两张枱剩。餐牌就小小地，有六个晚餐同几个海鲜。
其实我地都细食，惊食唔哂，于是拣左两个𩠌，想要条菜，打算落单嘅时候问问有冇菜食下。
老板娘正全神贯注睇紧倚天屠龙记，我地举手，老板娘一开头都视而不见，之后见其他伙计出紧菜，唯有走埋黎落单。
老板娘一开始已经面露不悦：「讲啦！」
我：「我想要，呢个，同呢个，另外想问问有冇菜呀？」
娘：「黑板」
其实黑板冇菜
我：「会唔会有其他.....」其实未讲完......
娘：「黑板，自己睇啦，冇架啦！」
其实都已经嬲嬲地，我是但要左个。
我唔系咩恩客，你亦都唔系收我咩大钱，我仲要阻住你睇倚天屠龙记最精彩嘅六大派围攻光明顶，但都系想阻你两分钟我就静静地食饭架啦，你唔驶咁样比面色同比气我受嘅......😰
其实如果你睇唔起年青人或者学生，大可以唔做佢地生意，何必要打开门做生意仲要难受，又或者你系倚天屠龙记嘅粉丝，唔睇唔得，你大可以同我讲等阵先帮我落单，我唔介意，因为我都知好好睇，又或者你可以上网睇，我食迟几廿分钟唔会死架。
公道讲句： 佢嘅食物唔差嘅，真系好似屋企饭咁，仲有碗汤水🍲，铺仔小小地，仲有电视𩠌下饭，多数都系街坊，冇咩🇨🇳大陆人。但服务就真系几劣下，小铺厨房细出菜慢少少，可以理解，但对人用呢种唔太礼貌嘅态度，不了。
一句讲哂：如果你唔介意比少少钱有啖饭食下但要比人呼呼喝喝，可以试下。我就冇下次啦。
张贴
